YS Sharmila : కేసీఆర్ కౌంట్ డౌన్ స్టార్ట్ – ష‌ర్మిల

YS Sharmila : వైఎస్సార్ తెలంగాణ పార్టీ చీఫ్ వైఎస్ ష‌ర్మిల సంచ‌ల‌న కామెంట్స్ చేశారు. గురువారం ఢిల్లీలో ఏఐసీసీ మాజీ చీఫ్ , వాయ‌నాడు ఎంపీ రాహుల్ గాంధీ, సీపీపీ చైర్ ప‌ర్స‌న్ సోనియా గాంధీల‌ను ష‌ర్మిల క‌లుసుకున్నారు. బ్రేక్ ఫాస్ట్ సంద‌ర్బంగా ఇద్ద‌రితో భేటీ అయ్యారు. తెలంగాణ‌లో చోటు చేసుకున్న రాజ‌కీయ ప‌రిణామాల‌పై చ‌ర్చించారు. ష‌ర్మిల వెంట ఆమె భ‌ర్త అనిల్ కూడా ఉన్నారు.

YS Sharmila Met Sonia Gandhi and Rahul Gandhi

సోనియా, రాహుల్ తో సుదీర్ఘ చ‌ర్చ‌ల అనంత‌రం వైఎస్ ష‌ర్మిల మీడియాతో మాట్లాడారు. తాను రాహుల్ , సోనియాల‌ను క‌లుసుకున్న మాట వాస్త‌వ‌మేన‌ని పేర్కొన్నారు. ఏం చ‌ర్చించామ‌నేది ఇప్పుడు చెప్ప‌లేమ‌న్నారు.

తెలంగాణ‌లో కాంగ్రెస్ పార్టీతో క‌లిసి ప‌ని చేయ‌డ‌మా లేక విలీనం చేయ‌డ‌మా అన్న దానిపై ప్ర‌త్యేకంగా చ‌ర్చించిన‌ట్లు స‌మాచారం. ఇదే స‌మ‌యంలో వైఎస్ ష‌ర్మిల(YS Sharmila) మ‌రోసారి నిప్పులు చెరిగారు . సీఎం కేసీఆర్ రాచ‌రిక పాల‌న సాగిస్తున్నారంటూ ఆరోపించారు. సీఎంకు కౌంట్ డౌన్ స్టార్ట్ అయ్యిందంటూ తీవ్ర వ్యాఖ్య‌లు చేశారు.

ఇదిలా ఉండ‌గా గ‌తంలో త‌న భ‌ర్త అనిల్ తో క‌లిసి వైఎస్ ష‌ర్మిల రాహుల్ గాంధీ, సోనియా గాంధీని క‌లిశారు. హైద‌రాబాద్ కు తిరుగు ప్ర‌యాణంలో వైఎస్ ష‌ర్మిల ఎంపీ కోమ‌టిరెడ్డి వెంక‌ట్ రెడ్డితో క‌లిసి వ‌చ్చారు.

Also Read : Congress Slams : మోదీ అదానీ బంధం నిజం