Zaheer Ali Khan : క‌లం యోధుడు జ‌హీర్ కు నివాళి
క‌న్నీటి నివాళి అర్ప‌ణ
Zaheer Ali Khan : తెలంగాణలో విషాదం చోటు చేసుకుంది. ఈ ప్రాంత‌పు అస్తిత్వానికి ఆయువు ప‌ట్టుగా ఉన్న మీడియా రంగానికి ఎన‌లేని సేవ‌లు అందిస్తూ వ‌చ్చారు ప్ర‌ముఖ ఉర్దూ దిన‌ప‌త్రిక సియాస‌త్ మేనేజింగ్ ఎడిట‌ర్ జ‌హీర్ అలీ ఖాన్(Zaheer Ali Khan). ఆయ‌న ఊహించ‌ని రీతిలో సోమ‌వారం ప్ర‌జా యుద్ద నౌక గ‌ద్ద‌ర్ అంతిమ యాత్ర‌లో కుప్ప కూలారు. హుటా హుటిన ఆస్ప‌త్రికి త‌ర‌లించినా లాభం లేక పోయింది. అప్ప‌టికే చ‌ని పోయిన‌ట్లు ఆస్ప‌త్రి వైద్యులు నిర్ధారించారు. దీంతో తీవ్ర విషాదం నెల‌కొంది.
Zaheer Ali Khan No More
పాత్రికేయ విలువ‌ల‌కు పెద్ద పీట వేస్తూ తెలంగాణ ఉద్య‌మానికి వెన్ను ద‌న్నుగా నిలచిన గొప్ప వ్య‌క్తి, ఎడిట‌ర్ జ‌హీర్ అలీ ఖాన్. ఆయ‌న లేర‌న్న వార్త‌తో విషాదం అలుముకుంది హైద‌రాబాద్ లో. పెద్ద ఎత్తున వివిధ రంగాల‌కు చెందిన ప్ర‌ముఖులు, జ‌ర్న‌లిస్టులు, ఎడిట‌ర్లు తీవ్ర సంతాపం తెలిపారు. వ్య‌క్తిగ‌తంగా తాను మంచి స్నేహితుడిని కోల్పోయాన‌ని తీవ్ర ఆవేద‌న వ్య‌క్తం చేశారు సీఎం క‌ల్వ‌కుంట్ల చంద్ర‌శేఖ‌ర్ రావు.
నిన్న రాత్రి హ‌ఠాత్తుగా ఈ లోకాన్ని వీడిన సియాస‌త్ మేనేజింగ్ ఎడిట‌ర్ , సుప్ర‌సిద్ద‌మైన పాత్రికేయుడు జ‌హీర్ అలీ ఖాన్ కు మంగ‌ళ‌వారం అంత్య‌క్రియ‌లు నాంప‌ల్లిలో జ‌రిగాయి. పెద్ద ఎత్తున త‌ర‌లి వ‌చ్చారు ప్ర‌జాస్వామిక‌వాదులు, మాన‌వ‌తావాదులు. అమ‌ర్ ర‌హే జ‌హీర్ భాయ్ అని నినాదాలు చేశారు.
Also Read : Nara Lokesh : ప్ర‌తి ఆడ బిడ్డ‌కు రూ. 15 వేలు – లోకేష్