Rohit Sharma : ‘మేం ఇప్పుడు నలుగురం’ అంటూ శుభవార్తను పంచుకున్న క్రికెటర్

Rohit Sharma : భారత జట్టు కెప్టెన్ రోహిత్ శర్మ ఇంట్లో ఆనందం వెల్లివిరిసింది. ఆయన భార్య రితికా సజ్దే శుక్రవారం (నవంబర్ 15) పండంటి మగబిడ్డకు జన్మనిచ్చింది. 2015 డిసెంబర్ 13న పెళ్లిపీటలెక్కిన రోహిత్(Rohit Sharma) -రితిక దంపతులకు 2018లో సమైరా అనే కుమార్తె జన్మించింది. ఇప్పుడు ఈ ఫ్యామిలీలోకి మరో బుల్లి హిట్ మ్యాన్ వచ్చేశాడు. కొడుకు పుట్టిన ఆనందోత్సాహంలో మునిగి తేలుతున్న రోహిత్ శర్మ ఈ సంతోషకరమైన వార్తను తొలిసారిగా సోషల్ మీడియాలో అభిమానులతో పంచుకున్నాడు. తన సోషల్ మీడియా ఖాతాలో ఒక యానిమేటెడ్ ఫోటోను పంచుకున్న రోహిత్ శర్మ ‘మే నలుగురు అయ్యాం’ అని క్యాప్షన్ ఇచ్చాడు.

ఈ యానిమేటెడ్ ఫోటోలో, ఒక జంట సోఫాలో కూర్చుని నవ్వుతూ కనిపించగా, ఒక చిన్న అమ్మాయి తన ఒడిలో నవజాత శిశువును పట్టుకుని కనిపించింది. రోహిత్ పోస్ట్‌ కొద్ది క్షణాల్లోనే వైరల్ గా మారింది. అభిమానుల నుంచి భారీ స్పందన వచ్చింది. పలువురు సినీ, రాజకీయ ప్రముఖులు రోహిత్ దంపతులకు అభినందనలు, శుభాకాంక్షలు తెలుపుతున్నారు. ఇక నెటిజన్లు కూడా క్రేజీ కామెంట్స్ చేస్తున్నారు. ఒకరు డబ్ల్యూపీఎల్ కు, మరొకరు ఐపీఎల్ కు అంటూ రోహిత్ పోస్టుకు కామెంట్స్ ఇస్తున్నారు.

Rohit Sharma Tweet..

ముంబైలోని స్థానిక ఆసుపత్రిలో శుక్రవారం రాత్రి రితికా ప్రసవించిన్లు తెలుస్తోంది. కాగా బిడ్డ కోసం ఎదురుచూస్తున్న రోహిత్ శర్మ, ఆస్ట్రేలియా సిరీస్‌లో మొదటి మ్యాచ్‌కు దూరంగా ఉండాలని నిర్ణయించుకున్నాడు. అయితే ఈ బోర్డర్ – గవాస్కర్ టెస్ట్ సిరీస్ ప్రారంభం కావడానికి ఇంకా 6 రోజులు ఉన్నాయి.. ఈ సందర్భంలో పెర్త్ వేదికగా జరిగే తొలి టెస్టు మ్యాచ్‌లో రోహిత్ ఆడే అవకాశాలు పుష్కలంగా ఉన్నాయి. నవంబర్ 22 నుంచి భారత్, ఆస్ట్రేలియా మధ్య తొలి టెస్టు మ్యాచ్ ప్రారంభం కానుంది. ఒకవేళ అతను తొలి మ్యాచ్‌కు అందుబాటులో లేకుంటే జస్ప్రీత్ బుమ్రా భారత జట్టుకు నాయకత్వం వహిస్తాడు.

Also Read : AP News : నారా రామ్మూర్తి మృతిపై సంతాపం వ్యక్తం చేసిన ఏపీ అసెంబ్లీ స్పీకర్