Johnny Depp : పోలీసులు..ఫోటోగ్రాఫ‌ర్ల‌కు థ్యాంక్స్ – జానీ డెప్
ధ‌న్య‌వాదాలు తెలిపిన హాలీవుడ్ హీరో
Johnny Depp : హాలీవుడ్ స్టార్ హీరో జానీ డెప్ గ‌త కొంత కాలం నుంచి వార్త‌ల్లో ఉన్నారు. ఆయ‌న కోర్టు కేసు ఎదుర్కొంటున్నారు. ఈ సంద‌ర్భంగా తీవ్ర వ‌త్తిళ్ల మ‌ధ్య జానీ డెప్ కోర్టు నుండి బ‌య‌ట‌కు వెళ్లే స‌మ‌యంలో పోలీసులకు, ఫోటోగ్రాఫ‌ర్ల‌కు ధ‌న్య‌వాదాలు తెలిపారు.
జానీ డెప్ మాజీ భార్య అంబ‌ర్ హ‌ర్డ్ పై ప‌రువు న‌ష్టం దావాపై పోరాడుతున్న వ‌ర్జీనియా కోర్టు హౌస్ వెలుప‌ల భారీ ఎత్తున అభిమానులు గుమి గూడారు. శ‌నివారం వ‌ర్జీనియా లోని ఫెయిర్ ఫాక్స్ లోని ఫెయిర్ ఫాక్స్ కౌంటీ కోర్ట్ హౌస్ నుండి బ‌య‌లు దేరాడు.
కొద్ది సేపు అక్క‌డే ఆగి ఒక పోలీస్ అధికారితో క‌ర‌చాల‌నం చేశాడు. ప్ర‌స్తుతం జానీ డెప్(Johnny Depp) , ఆ పోలీస్ ఆఫీస‌ర్ ఫోటోలు, వీడియోలు సోష‌ల్ మీడియాను షేక్ చేస్తున్నాయి. కోట్లాది మంది అభిమానుల‌ను క‌లిగి ఉన్నాడు జానీ డెప్.
ఆయ‌నపై కొన‌సాగుతున్న కేసు విచార‌ణలో ఎలాంటి తీర్పు వెలువడుతుందోన‌న్న ఉత్కంఠ నెల‌కొంది. కాగా ప‌రువు న‌ష్టం దావా విచార‌ణ ముగింపు ద‌శ‌కు చేరుకుంది.
ఈనెల 27న ఇరు ప‌క్షాల న్యాయ‌వాదులు త‌మ ముగింపు వాద‌న‌లు స‌మ‌ర్పించారు. న్యాయ‌మూర్తి ఈ కేసును చ‌ర్చ‌ల కోసం జ్యూరీకి అప్ప‌గించారు. గ‌త కొంత కాలంగా జానీ డెప్ తీవ్ర ఆందోళ‌న‌లో ఉన్నాడు.
కానీ విచార‌ణ ముగింపు ద‌శ‌కు వ‌చ్చే స‌రిక‌ల్లా ఆయ‌న‌లో ఎప్ప‌టిలా పెద‌వుల‌పై చిరున‌వ్వు విర‌బూసింది. ఇందుకు సంబంధించిన వీడియో ఇప్పుడు హ‌ల్ చ‌ల్ చేస్తోంది.
కోర్టులో ఉన్న అధికారుల నుంచి మొద‌లుకొని బ‌య‌ట వ‌ర‌కు అంద‌రితో క‌ర‌చాల‌నం చేశారు జానీ డెప్(Johnny Depp). ఆయ‌న‌ను చూసేందుకు, క‌లిసేందుకు అభిమానులు పోటెత్తారు.
Also Read : టాప్ పాప్ స్టార్ గా శ్రేయ లెంక ఎంపిక