Pawan Kalyan : హీరోల అభిమానులు స‌పోర్ట్ చేయండి – ప‌వ‌న్
పిలుపునిచ్చిన జ‌న‌సేన పార్టీ చీఫ్
Pawan Kalyan : జ‌న‌సేన పార్టీ చీఫ్ ప‌వ‌న్ క‌ళ్యాణ్ ఆస‌క్తిక‌ర వ్యాఖ్య‌లు చేశారు. ఆయ‌న చేపట్టిన వారాహి విజ‌య యాత్ర ప్ర‌స్తుతం కోన‌సీమ‌లో కొనసాగుతోంది. ఈ సంద‌ర్బంగా మేధావులు, రైతు నాయ‌కులు, న్యాయ‌వాదులు, కార్మిక సంఘాల నేత‌ల‌తో క‌లిసి విస్తృతంగా చ‌ర్చ‌లు జ‌రిపారు. ఆరుగాలం పండించే రైతుల‌కు గిట్టుబాటు ధ‌ర క‌ల్పించాల్సిన అవ‌స‌రం ఉంద‌ని స్ప‌ష్టం చేశారు ప‌వ‌న్ క‌ళ్యాణ్.
వారాహి యాత్ర సంద‌ర్భంగా ముమ్మ‌డివ‌రంలో ప్ర‌జ‌ల‌ను ఉద్దేశించి జ‌న‌సేన చీఫ్ సెన్సేష‌న్ కామెంట్స్ చేశారు. నాకు ఎవ‌రితోనూ సినీ ఇండ‌స్ట్రీలో పోటీ లేద‌న్నారు. త‌న ఫ్యాన్స్ ఇత‌ర హీరోల ఫ్యాన్స్ గొడ‌వ‌కు దిగుతున్నార‌ని కొంద‌రు త‌న‌తో చెప్పార‌న్నారు ప‌వ‌న్ క‌ళ్యాణ్(Pawan Kalyan) .
త‌న‌కు ఎలాంటి ఇగోలు లేవ‌ని స్ప‌ష్టం చేశారు. సినిమా అనేది వినోదం, దానిని వ్య‌క్తిగ‌తంగా తీసుకోవ‌ద్ద‌ని సూచించారు జ‌న‌సేనాని. నాకు జూనియ‌ర్ ఎన్టీఆర్ , అల్లు అర్జున్ , ప్ర‌భాస్ , మ‌హేష్ బాబు, రామ్ చ‌ర‌ణ్ , మెగాస్టార్ చిరంజీవి , బాల‌కృష్ణ అన్నా గౌర‌వం ఉంద‌న్నారు. త‌న‌కు వాళ్లంటే ఇష్ట‌మ‌ని చెప్పారు. వాళ్ల సినిమాలు తాను చూస్తాన‌ని నా సినిమాలు కూడా వాళ్లు చూస్తార‌ని స్ప‌ష్టం చేశారు.
అందుకే తాను చేపట్టిన ఈ అలుపెరుగ‌ని పోరాటంలో అంద‌రి హీరోల అభిమానులు త‌న‌కు అండ‌గా నిల‌వాల‌ని పిలుపునిచ్చారు ప‌వ‌న్ క‌ళ్యాణ్.
Also Read : Thalapathy Vijay : సినీవాలిలో త‌ళ‌ప‌తి సెన్సేష‌న్