Andrew McDonald : ఆసిస్ క్రికెట్ టీమ్ కోచ్ గా మెక్ డొనాల్డ్

Andrew McDonald  : ఆస్ట్రేలియా పురుషుల క్రికెట్ జ‌ట్టు ప్ర‌ధాన కోచ్ గా ఆండ్రూ మెక్ డొనాల్డ్ (Andrew McDonald ) ను నియ‌మించింది ఆసిస్ క్రికెట్ బోర్డు. జ‌స్టిస్ లాంగ‌ర్ నిష్క్ర‌మ‌ణ త‌ర్వాత రెండు నెల‌ల అనంత‌రం ఇవాళ ఆండ్రూ మెక్ డొనాల్డ్ ను జాతీయ కోచ్ గా నియ‌మించింది.

ఈ విష‌యాన్ని ఆసిస్ క్రికెట్ బోర్డు అధికారికంగా ప్ర‌క‌టించింది. టాప్ పొజిష‌న్ లో ఉన్న అత్యున్న‌త ప‌ద‌వికి సంబంధించి మెక్ డొనాల్డ్ నాలుగు సంవ‌త్స‌రాల‌కు సంబంధించి ఒప్పందం పొందాడు.

ఆస్ట్రేలియా టాప్ క్రికెట్ బాడీ ఆండ్రూను జాతీయ కోచ్ గా నియ‌మిస్తున్న‌ట్లు స్ప‌ష్టం చేసింది. ఈ ఏడాది ఫిబ్ర‌వ‌రి 5న లాంగ‌ర్ ఆక‌స్మికంగా జ‌ట్టు కోచ్ ప‌ద‌వి నుంచి త‌ప్పుకున్నాడు.

రాబోయే ఉత్తేజ‌క‌ర‌మైన కాలానికి ఈ అద్భుత‌మైన అవ‌కాశాన్ని ఇచ్చినందుకు త‌న‌కు సంతోషాన్ని క‌లిగించింద‌న్నాడు ఆండ్రూ మెక్ డొనాల్డ్.

ఇదిలా ఉండ‌గా ప్ర‌ధాన ప్ర‌త్య‌ర్థి ఇంగ్లండ్ పై 4-0 తేడాతో విజ‌యాన్ని సాధించ‌డం, తొలి టీ20 ప్ర‌పంచ క‌ప్ టైటిల్ ను తీసుకు రావ‌డంలో లాంగ‌ర్ కీల‌క పాత్ర వ‌హించాడు.

కాగా కెప్టెన్ పాట్ క‌మిన్స్ తో స‌హా కీల‌క ఆట‌గాళ్ల మ‌ద్ద‌తును పొంద‌డంలో విఫ‌ల‌మ‌య్యాడు. లాంగ‌ర్ వ్య‌వ‌హార శైలిపై మీడియాకు ఎక్కారు. దీంతో మిస్ట‌ర్ కూల్ గా ఉండే మెక్ డొనాల్డ్ కు ఆసిస్ క్రికెట్ బోర్డు అప్ప‌గించ‌డం చ‌ర్చ‌కు దారి తీసింది.

ఆండ్రూ మెక్ డొనాల్డ్ గురించి కీల‌క వ్యాఖ్య‌లు చేశాడు ఆసిస్ మాజీ టెస్టు కెప్టెన్ మైఖేల్ క్లార్క్. చాలా ప్ర‌శాంత‌మైన వాతావ‌ర‌ణాన్ని ఇష్ట ప‌డే డొనాల్డ్ (Andrew McDonald ) కోచ్ గా రావ‌డం జ‌ట్టుకు మంచిద‌న్నాడు.

  Also Read : ఆట‌ను వ‌దిలేయండి దేశం కోసం రండి