AP CM YS Jagan : గ్రామీణ ఉపాధి హామీ పథకం వారికి కూడా వర్తిస్తుందంటున్న జగన్ సర్కార్

AP CM YS Jagan: ట్రాన్స్‌జెండర్లకు జగన్ ప్రభుత్వం శుభవార్త చెప్పింది. సమాజంలో గౌరవంగా జీవించేందుకు మీరు ఒక ముఖ్యమైన నిర్ణయం తీసుకున్నారు. వీరికి కూడా మహాత్మా గాంధీ జాతీయ గ్రామీణ ఉపాధి హామీ పథకం వర్తిస్తుంది. కేంద్ర ప్రభుత్వం చొరవతో ఏపీ(AP) ప్రభుత్వం కూడా ట్రాన్స్‌జెండర్ల కోసం ఉపాధి హామీ పథకాన్ని అమలు చేయనుంది. ప్రస్తుతం పనికార్డులు అందించేందుకు అధికారులు సన్నాహాలు చేస్తున్నారు. ఇందుకు సంబంధించి మార్చి 15న రాష్ట్రంలోని అన్ని జిల్లాల కలెక్టర్లు, డ్వామా ప్రాజెక్టు మేనేజర్లకు ప్రభుత్వం ఆదేశాలు జారీ చేసింది.ఉద్యోగ భద్రత కోసం వచ్చే ట్రాన్స్‌జెండర్లందరినీ కుటుంబ సభ్యులుగా గుర్తించి వర్క్ కార్డు అందజేస్తారు. అంతేకాదు ఒకే పంచాయతీలో ఐదుగురు లేదా అంతకంటే ఎక్కువ మంది ట్రాన్స్‌జెండర్లు ఉద్యోగాల కోసం ముందుకు వస్తే వారిని శ్రమ శక్తి సంఘంగా గుర్తిస్తామని అధికారులు తెలిపారు.

AP CM YS Jagan Orders

సమాజంలో తాము వివక్షకు గురవుతున్నామని, పని దొరక్క ఇబ్బందులు పడుతున్నామని ట్రాన్స్‌జెండర్లు కేంద్ర ప్రభుత్వానికి ఫిర్యాదు చేశారు. దీని ప్రకారం ఉపాధి హామీ పథకాన్ని ట్రాన్స్‌జెండర్లకు కూడా వర్తింపజేయాలని కేంద్ర సామాజిక న్యాయం, సాధికారత మంత్రిత్వ శాఖ ప్రతిపాదించింది. ఏపీ సర్కార్ కూడా సానుకూలంగా స్పందించి ట్రాన్స్‌జెండర్లకు జాబ్ కార్డుల పంపిణీకి శ్రీకారం చుట్టింది. ప్రభుత్వం పంపిన నోటిఫికేషన్‌లోని అంశాలు ఇలా ఉన్నాయి.

1. ట్రాన్స్‌జెండర్‌ను కుటుంబంగా పరిగణించి జాబ్ కార్డు అందజేయాలి.
2. దరఖాస్తు ఫామ్‌లో కూడా పురుషులు, స్త్రీలతో పాటు ట్రాన్స్‌జెండర్ కాలమ్ ఉంచాలి.
3. ఒక పంచాయతీ పరిధిలో ఐదుగురు కంటే ఎక్కువమంది ట్రాన్స్‌జెండర్లు ఉంటే వారిని శ్రమశక్తి సంఘంగా గుర్తించాలి.
4. పని చేసే ప్రదేశాల్లో వారిని తక్కువ చేసి మాట్లాడడం, వెకిలి చేష్టలు చేయడాన్ని నేరంగా పరిగణించాలి.
5. ఇక ట్రాన్స్‌జెండర్ల సమస్యల పరిష్కారానికి మండల, జిల్లా స్థాయిలో నోడల్ ఆఫీసర్లను నియమించాలని.. వారి ద్వారా పని ప్రాంతాల్లో
6. ట్రాన్స్‌జెండర్లకు ఎదురయ్యే సమస్యలకు చరమగీతం పాడాలని ప్రభుత్వం సర్క్యులర్‌లో పేర్కొంది.

Also Read : HP Rebal MLAs : హిమాచల్ ప్రదేశ్ లో కాంగ్రెస్ కి షాక్ ఇచ్చి బీజేపీలో చేరిన 6 రెబల్ ఎమ్మెల్యేలు