AP CM YS Jagan Wishes : ఏపీ సీఎం ద‌స‌రా శుభాకాంక్ష‌లు
ప్రతి ఒక్కరికీ సంతోషంగా ఉండాలి
AP CM YS Jagan Wishes : ఆంధ్ర‌ప్ర‌దేశ్ – విజ‌య ద‌శ‌మి పండుగ‌ను పురస్కరించుకుని ఆంధ్ర ప్ర‌దేశ్ రాష్ట్ర ముఖ్యమంత్రి జ‌గ‌న్ మోహన్ రెడ్డి రాష్ట్ర ప్ర‌జ‌లంద‌రికీ పేరు పేరునా శుభాకాంక్ష‌లు తెలిపారు. దుర్గాష్టమి, మహర్నవమి, విజయదశమి పండుగలను పురస్కరించుకుని తెలుగు రాష్ట్రాల ప్రజలకు, ప్రపంచ వ్యాప్తంగా ఉన్న తెలుగు వారందరికీ సీఎం జ‌గ‌న్ మోహన్ రెడ్డి(AP CM YS Jagan) కంగ్రాట్స్ అంటూ పేర్కొన్నారు.
AP CM YS Jagan Wishes for Dussehra
అమ్మలగన్న అమ్మ.. ముగ్గురమ్మల మూలపుటమ్మ అనుగ్రహం కోసం.. నవరాత్రుల్లో 9 రోజులపాటు అత్యంత భక్తిశ్రద్ధలతో దుర్గామాతను పూజిస్తారని ముఖ్యమంత్రి అన్నారు.
చెడుపై.. మంచి, దుష్ట శక్తులపై.. దైవ శక్తుల విజయానికి ప్రతీకగా జరుపుకునే పండుగే విజయదశమి అని తెలిపారు జ‌గ‌న్ మోహన్ రెడ్డి.
ఆ జగన్మాత ఆశీస్సులతో రాష్ట్ర ప్రజలంతా సుఖ శాంతులతో, సిరి సంపదలతో తుల తూగాలని, రాష్ట్రంలోని ప్రతి ఒక్క కుటుంబానికి విజయాలు సిద్ధించాలని, ఆ కనక దుర్గమ్మ వారి దీవెనలు, ఆశీస్సులు ఉండాలని ఆకాంక్షించారు ఏపీ సీఎం.
ఇదిలా ఉండ‌గా న‌వరాత్రి బ్ర‌హ్మోత్స‌వాలు , అమ్మ వారి ఉత్స‌వాలు కొన‌సాగుతున్నాయి. తిరుమ‌ల‌లో ఈనెల 15 నుంచి శ్రీ‌వారి బ్ర‌హ్మోత్స‌వాలు అంగ‌రంగ వైభ‌వంగా జ‌రుగుతున్నాయి. ఇక ఇంద్ర‌కీలాద్రి లో కొలువు తీరిన కనక దుర్గమ్మ ఉత్స‌వాలు న‌భూతో న‌భ‌విష్య‌త్ అన్న రీతిలో కొన‌సాగుతున్నాయి.
Also Read : MLC Kavitha : నేను లిక్క‌ర్ క్వీన్ కాను