AP DGP Harish Kumar : ఏపీలో ప్రతి జిల్లాకు ప్రత్యేక పోలీసు అధికారులు

AP DGP : ఏపీ సార్వత్రిక ఎన్నికల కోసం ఓట్ల లెక్కింపు సమయం సమీపిస్తున్నందున, ఇటీవలి హింసాత్మక సంఘటనల నేపథ్యంలో ప్రత్యేక పోలీసు అధికారులు ప్రతి ప్రాంగణానికి చేరుకోవాలని భావిస్తున్నారు. పోలింగ్‌ రోజు తర్వాత పలు జిల్లాల్లో అల్లర్లు చెలరేగడంతో ముందుజాగ్రత్త చర్యగా సీనియర్‌ అధికారులను నియమించారు. ఈ మేరకు ఏపీ డీజీపీ హరీశ్ కుమార్ గుప్తా శనివారం కీలక ఉత్తర్వులు జారీ చేశారు. ఎస్పీ, డీఎస్పీ స్థాయిలో అదనపు అధికారులను నియమిస్తూ డీజీపీ ఉత్తర్వులు జారీ చేశారు.

AP DGP Harish Kumar…

ప్రతి జిల్లాలో ప్రత్యేక పోలీసు అధికారులను నియమిస్తూ డీజీపీ(AP DGP) ఉత్తర్వులు జారీ చేశారు. మొత్తం 56 మంది పోలీసు అధికారులను ప్రత్యేక పోలీసు అధికారులుగా నియమించారు. ఈరోజు (శనివారం) సాయంత్రంలోగా తమ జిల్లాల్లోని ఉన్నతాధికారులకు రిపోర్టు చేయాలని ప్రత్యేక పోలీసు అధికారులకు డీజీపీ సూచించారు. కీలకమైన ప్రాంతాల్లో శాంతిభద్రతల బాధ్యతలను ప్రత్యేక అధికారులకు అప్పగించాలని ఏపీ డీజీపీ ఆదేశించారు.

పల్నాడులో 8 మంది వరకు పోలీసు అధికారులు ఉన్నారు. పల్నాడులో నియమించబడిన అధికారులలో ఆరుగురు అదనపు ఎస్పీలు మరియు ఇద్దరు డీఎస్పీలు ఉన్నారు. అయితే ఏపీ పోలింగ్ అనంతరం రాష్ట్రంలోని పల్నాడు, నర్సరావుపేట, తాడిపత్రి, తిరుపతిలో జరిగిన హింసాత్మక ఘటనలపై ఎన్నికల సంఘం కౌటింగ్‌ను సీరియస్‌గా తీసుకుంది. ఈ నేపథ్యంలోనే భారీ సంఖ్యలో పోలీసు అధికారులను నియమించినట్లు తెలుస్తోంది.

Also Read : Minister Uttam Kumar : వాతావరణానికి అనుగుణంగా పంటల మార్పు