AP News : ఏపీలో అల్లర్లపై డీజీపీ చేతికి నివేదిక ఇవ్వనున్న సిట్

AP News : ఏపీలో ఎన్నికల అనంతర హింసకు సంబంధించి సిట్ కీలక సమాచారాన్ని సేకరించింది. ఇప్పటికే పల్నాడు, తిరుపతి, అనంతపురం జిల్లాల్లో అల్లర్లు చెలరేగిన ప్రాంతాలకు వెళ్లి సిట్ వాళ్ళు పోలీసుల నుంచి సంఘటన గురించి తెలుసుకున్నారు. తాడిపత్రి అల్లర్లలో నమోదైన కేసుల వివరాలను సిట్ బృందం విచారించింది. ఎన్నికల ముందు, అనంతర గొడవలకు గల కారణాలను ఎస్‌హెచ్‌ఓ అడిగి తెలుసుకున్నారు. తాడిపత్రి రూరల్‌ పోలీస్‌ స్టేషన్‌లో వైసీపీ లీగల్‌ సెల్‌ ప్రతినిధులు సిట్‌ అధికారులతో సమావేశమయ్యారు. పెద్దారెడ్డి ఇంట్లో పోలీసుల తీరుపై ఎమ్మెల్యే కేతిరెడ్డి ఫిర్యాదు చేశారు.

AP News Update

తిరుపతిలోని ఘటనా స్థలాన్ని పరిశీలించిన సిట్ బృందం తిరుపతి(Tirupati), చంద్రగిరిలో నమోదైన కేసులను విచారించింది. పద్మావతి మహిళా కళాశాల వెయిటింగ్ రూమ్ దగ్గర జరిగిన దాడి, యూనివర్సిటీ పీఎస్‌లో నమోదైన ఘటనపై సిట్ అధికారులు వివరాలు తెలుసుకున్నారు. పద్మావతి యూనివర్శిటీ గోదాం సమీపంలోని ప్రాకారాలపై సెక్యూరిటీ గార్డులు ఉన్నప్పటికీ హత్యాయుధం ఎలా వచ్చిందని పోలీసులను ప్రశ్నించారు.

పల్నాడు జిల్లా నరసరావుపేటలో అల్లర్లు జరిగిన ప్రాంతాన్ని కూడా సిట్ బృందం సందర్శించింది. మారమ్మ సెంటర్‌లో వాహనం దగ్ధమైన సంఘటనా స్థలాన్ని, ఎమ్మెల్యే ఇంటి సమీపంలోని సంఘటనా స్థలాన్ని అధికారులు పరిశీలించారు. దాగేపల్లి, మాచవరం మండలాల్లో నమోదైన కేసుల వివరాలను దాచేపల్లి సీఐ నుంచి తెలుసుకున్నారు. టీడీపీ, వైసీపీ సభ్యుల బాధలను కూడా అడిగి తెలుసుకున్నారు. కాగా, పల్నాడులో హింసాత్మక ఘటనలకు చంద్రబాబే కారణమని మంత్రి అంబటి రాంబాబు ఆరోపించారు. చంద్రబాబు ఓడిపోయేటప్పుడు కుతంత్రాలు వేస్తాడు అని పోలీసు అధికారుల్లో మార్పు కారణంగానే హింస చెలరేగిందని అన్నారు. టీడీపీపై వైసీపీ నేతలు ఈసీకి నాలుగు ఫిర్యాదులు చేశారు. కౌంటింగ్ సమయంలో గందరగోళం ఏర్పడవచ్చు. ఇప్పటికే ప్రాథమిక నివేదికను సిద్ధం చేసిన సిట్ బృందం.. మరికొంత మంది అనుమానితులను గుర్తించింది. అయితే సిట్ నివేదికలో ఎలాంటి అంశాలు ప్రస్తావనకు వస్తాయోనన్న ఉత్కంఠ నెలకొంది.

Also Read : Afghanistan Floods : మన పొరుగు దేశం ఆఫ్ఘనిస్తాన్ లో వరదలకు 47 మందికి పైగా మృతి