AP PCC Gidugu Rudra Raju: ఏపీ పీసీసీ చీఫ్ పదవికి గిడుగు రుద్రరాజు రాజీనామా ! షర్మిలకు లైన్ క్లియర్ ?

AP PCC Gidugu Rudra Raju: ఏపిలో రాజకీయాలు శరవేగంగా మారుతున్నాయి. మరో మూడు నాలుగు నెలల్లో జరగనున్న సార్వత్రిక ఎన్నికల అభ్యర్ధులకు సంబంధించిన ఇప్పటికే మూడు జాబితాలను అధికార వైసీపీ విడుదల చేయగా… ప్రతిపక్ష టీడీపీ-జనసేన కూటమి మొదటి జాబితాను విడుదల చేయడానికి సన్నాహాలు చేస్తుంది. దీనితో కాంగ్రెస్ పార్టీ కూడా తనదైన శైలిలో ఏపీలో పాగా వేసేందుకు ప్రయత్నాలు ముమ్మరం చేసింది. దీనితో భాగంగా ఏపీ పీసీసీ అధ్యక్ష పదవికి గిడుగు రుద్రరాజు(Gidugu Rudra Raju) రాజీనామా చేశారు. సోమవారం పీసీసీ అధ్యక్ష పదవికి రాజీనామా చేసిన రుద్రరాజు… తన రాజీనామా లేఖను ఏఐసీసీ చీఫ్ మల్లికార్జున ఖర్గేకు అందజేశారు. అయితే గిడుగు రుద్రరాజు రాజీనామా వెనుక… కాంగ్రెస్ భారీ ప్లాన్ ఉన్నట్లు తెలుస్తోంది.

AP PCC Gidugu Rudra Raju Comment

రుద్రరాజు స్థానంలో ఏపీ పీసీసీ అధ్యక్షురాలిగా వైఎస్ షర్మిల ను కాంగ్రెస్ అధిష్టానం నియమించే అవకాశాలు కనిపిస్తున్నాయి. దీనికి సంబంధించి ఇప్పటికే షర్మిలకు… కాంగ్రెస్ పార్టీ జాతీయ అధ్యక్షులు మల్లికార్జున ఖర్గే స్పష్టత ఇచ్చినట్లు తెలుస్తోంది. దీనితో మరో రెండు మూడు రోజుల్లో ఏపీ పీసీసీ అధ్యక్షురాలిగా వైఎస్ షర్మల పేరును ప్రకటించే అవకాశం కనిపిస్తోంది. షర్మిల రాష్ట్ర కాంగ్రెస్ భాధ్యతలను స్వీకరించిన తరువాత… అధికార వైసీపీలో పెను మార్పులు వచ్చే అవకాశం ఉందటూ పుకార్లు వినిపిస్తున్నాయి.

Also Read : PM Modi Pongal : సంక్రాంతి వేడుకల్లో పాల్గొన్న ప్రధానమంత్రి నరేంద్ర మోదీ