Art Director Sunil Babu : ఆర్ట్ డైరెక్ట‌ర్ సునీల్ బాబు ఇక లేరు

Art Director Sunil Babu : సినీ రంగానికి సంబంధించి ఒక్క‌రొక్క‌రు వెళ్లి పోతున్నారు. తాజాగా మ‌ల‌యాళ ఫిల్మ్ ప్రొడ‌క్ష‌న్ డిజైన‌ర్ , ఆర్ట్ డైరెక్ట‌ర్ సునీల్ బాబు గుండె పోటుకు గురై క‌న్నుమూశారు. కాలు వాపు రావ‌డంతో వెంట‌నే ఆస్ప‌త్రికి త‌ర‌లించారు. చికిత్స పొందుతూ గురువారం రాత్రి తుది శ్వాస విడిచారు.

సునీల్ బాబు దేశంలోనే పేరొందిన క‌ళా ద‌ర్శ‌కుల‌లో సునీల్ బాబు(Art Director Sunil Babu) గుర్తింపు పొందారు. ఆయ‌న ఇప్ప‌టి వ‌ర‌కు మ‌ల‌యాళంలోనే కాకుండా తెలుగు, త‌మిళం, హిందీ సినీ రంగాల‌లో కూడా ప‌ని చేశారు. ప్ర‌ముఖ క‌ళా ద‌ర్శ‌కుడు సాబు సిరిల్ వ‌ద్ద అసిస్టెంట్ గా మొద‌ట త‌న కెరీర్ ను స్టార్ట్ చేశారు సునీల్ బాబు.

అనంత‌రం త‌న‌దైన ముద్ర క‌న‌బ‌ర్చారు. సునీల్ బాబు చేసిన సినిమాలు బిగ్ హిట్ గా పేరు పొందాయి. వాటిలో తుపాకీ, మ‌హ‌ర్షి, ఊపిరి, భీష్మ ప‌ర్వం, గ‌జ‌ని, ప్రేమ‌మ్ , చోటా ముంబై , త‌దిత‌ర చిత్రాలు ఉన్నాయి. మ‌హేంద్ర సింగ్ ధోనీ, స్పెష‌ల్ 26, సింగ్ ఈజ్ కింగ్ , త‌దిత‌ర బిగ్ మూవీస్ కూడా ప‌ని చేశారు.

మంచి పేరు పొందారు సునీల్ బాబు. ఇటీవ‌లే విడుద‌లై అద్భుత‌మైన ఆద‌ర‌ణ పొందిన సీతారామం సినిమాకు కూడా ప‌ని చేశాడు. ఈ సినిమా ఆద్యంతం మ‌రిచి పోలేని రీతిలో తీశాడు దర్శ‌కుడు. డైరెక్ట‌ర్ అభిరుచికి త‌గ్గ‌ట్టుగా సునీల్ బాబు(Art Director Sunil Babu) ప‌ని చేయ‌డం విశేషం.

సునీల్ బాబు ఇక లేర‌న్న వార్తను జీర్ణించుకోలేక పోతున్నామ‌ని మ‌ల‌యాళం సినీ ఇండ‌స్ట్రీ పేర్కొంది. సినీ నిర్మాత అంజ‌లీ మీన‌న్ సంతాపం తెలిపారు. తాను న‌టించిన సినిమాల‌కు ప్రాణం పోశారంటూ క‌న్నీటి ప‌ర్యంతం అయ్యాడు ప్ర‌ముఖ న‌టుడు దుల్క‌ర్ స‌ల్మాన్. త‌న గుండె ప‌గిలి పోయింద‌ని పేర్కొన్నాడు.

Also Read : విజ‌య్ సంగీత దూరం నిజ‌మేనా