Ravichandran Ashwin : తిప్పేసిన అశ్విన్ ర‌స్సెల్ ప‌రేషాన్
క‌ళ్లు చెదిరే బంతితో క్లీన్ బౌల్డ్
Ravichandran Ashwin : ఐపీఎల్ 2022లో అద్బుతాలు చోటు చేసుకుంటున్నాయి. బంతులు వికెట్ల‌ను ముద్దాడుతుంటే మ‌రో వైపు సిక్స‌ర్లు, ఫోర్లు వ‌ర‌ద‌లా పారుతున్నాయి. తాజాగా కోల్ క‌తా నైట్ రైడ‌ర్స్ తో జ‌రిగిన మ్యాచ్ ఆద్యంత‌మూ ఉత్కంఠ భ‌రితంగా సాగింది.
ఇందులో య‌జ్వేంద్ర చ‌హల్ త‌న బంతితో మెస్మ‌రైజ్ చేస్తే ఓడెమ్ సూప‌ర్ బౌలింగ్ తో స‌త్తా చాటాడు. ఇద్ద‌రూ క‌లిసి 9 వికెట్లు తీశారు. ఇక ర‌విచంద్ర‌న్ అశ్విన్ మ‌రోసారి త‌న చేతిలోని మ్యాజిక్ ను ప్ర‌ద‌ర్శించాడు.
అత‌డు వేసిన బంతి ఎలా వ‌చ్చిందో ఇప్ప‌టికీ అర్థం చేసుకోలేక పోయాడు ఆండ్రూ ర‌స్సెల్. కేకేఆర్ త‌ర‌పున బ‌రిలోకి దిగిన ర‌స్సెల్ అశ్విన్ వేసిన ఆ బాల్ ను డిఫెన్స్ ఆడుదామ‌ని అనుకున్నాడు.
కానీ షాట్ కు ప్ర‌య‌త్నం చేశాడు. కానీ బ్యాట్ స‌ర్దుకునే లోపే అశ్విన్ బంతి ఊహించ‌ని రీతిలో క‌ను రెప్ప పాటులో వికెట్ల‌ను తాకింది. ఇప్ప‌టికీ ఐపీఎల్ లో ఇది విస్మ‌యానికి గురి చేస్తున్న స‌న్నివేశంగా చెప్పుకోవ‌చ్చు.
ఇప్ప‌టి దాకా ఎన్నో బంతుల్ని సిక్స‌ర్లు బాదిన ర‌స్సెస్ కు సైతం అర్థం కావ‌డం లేదు. ఎలా బంతి వ‌చ్చిందో, ఎలా తాకిందో కూడా. నిద్ర పోతున్నా క‌ల‌ల్లోకి వచ్చి వెంటాడేలా బంతి విసిరాడు ర‌విచంద్ర‌న్ అశ్విన్(Ravichandran Ashwin).
ఒక ర‌కంగా దీనిని క్యార‌మ్ బాల్ గా అభివ‌ర్ణించ‌డంలో త‌ప్పు లేదు. త‌ను విసిరిన బాల్ కు ఉన్న‌ట్టుండి వికెట్ పారేసుకోవ‌డంతో ర‌స్సెల్ విస్తు పోగా అశ్విన్ మాత్రం తెగ సంతోషంగా డ్యాన్సు చేస్తూ ఉండి పోయాడు. ప్ర‌స్తుతం ఇది వైర‌ల్ గా మారింది.
Also Read : ఎవ‌రీ ఒబెడ్ మెకోయ్ ఏమిటా క‌థ