AUSW vs SAW T20 World Cup : స‌ఫారీకి షాక్ ఆసిస్ సెమీస్ కు

AUSW vs SAW T20 World Cup : ద‌క్షిణాఫ్రికా వేదిక‌గా జ‌రుగుతున్న ఇంట‌ర్నేష‌న‌ల్ క్రికెట్ కౌన్సిల్ (ఐసీసీ) మ‌హిళల టి20 వ‌ర‌ల్డ్ క‌ప్ లో డిఫెండింగ్ ఛాంపియ‌న్ ఆస్ట్రేలియా మ‌రోసారి క‌ప్ కైవ‌సం చేసుకునేందుకు ప‌రుగులు తీస్తోంది.

లీగ్ లో భాగంగా ఆతిథ్య జ‌ట్టు సౌతాఫ్రికాపై ఘ‌న విజ‌యాన్ని న‌మోదు చేసింది. నేరుగా సెమీ ఫైన‌ల్ కు చేరింది. వ‌రుస‌గా విజ‌యాలు సాధిస్తూ దూసుకు వెళుతోంది. మ‌రో వైపు ఇంగ్లండ్ జ‌ట్టు భార‌త్ జ‌ట్టును 10 ప‌రుగుల తేడాతో ఓడించి సెమీస్ ఆశ‌లు స‌జీవం చేసుకుంది.

మ్యాచ్ లో భాగంగా ద‌క్షిణాఫ్రికా జ‌ట్టుపై ఆస్ట్రేలియా జ‌ట్టు 6 వికెట్ల తేడాతో గ్రాండ్ విక్ట‌రీని న‌మోదు(AUSW vs SAW T20 World Cup) చేసింది. 125 ప‌రుగుల ల‌క్ష్యంతో బ‌రిలోకి దిగిన ఆసిస్ ఇంకా 21 బంతులు మిగిలి ఉండ‌గానే మ్యాచ్ ను ముగించేశారు. ఆస్ట్రేలియా జ‌ట్టులో త‌హ్లియా మెక్ గ్రాత్ అద్భుత‌మైన ఇన్నింగ్స్ ఆడింది.

సఫారీ బౌల‌ర్ల‌కు చుక్క‌లు చూపించింది. ఇన్నింగ్స్ లో అత్య‌ధికంగా 57 ర‌న్స్ చేసింది. ఇక ఆస్ట్రేలియా టీమ్ గ్రూప్ – ఎలో ఇప్ప‌టి వ‌ర‌కు నాలుగు మ్యాచ్ లు ఆడింది. ఆడిన నాలుగు మ్యాచ్ ల‌లోనూ విజ‌యాలు న‌మోదు చేసింది. త‌న‌కు ఎదురే లేద‌ని చాటింది.

ఇదిలా ఉండ‌గా గ‌త ఏడాది జ‌రిగిన ఐసీసీ మ‌హిళ‌ల టి20 టోర్నీని ఆసిస్ కైవ‌సం చేసుకుంది. ఈసారి కూడా మెగా టోర్నీ హాట్ ఫెవ‌రేట్ గా ఉంది. మొత్తం టోర్నీలో 10 జ‌ట్లు పాల్గొంటున్నాయి. టోర్నీలో ఎవ‌రు ఫైన‌ల్ కు చేరుకుంటార‌నేది ఉత్కంఠగా మారింది. సెమీస్ కు చేరుకునే జ‌ట్ల‌లో ఇంగ్లండ్ , ఆసిస్ ఉన్నాయి.

Also Read : చేతులెత్తేసిన టీమిండియా