Pallavi Prashanth : రైతు బిడ్డ బిగ్ బాస్ విజేత

Pallavi Prashanth : హైద‌రాబాద్ – అంతా ఊహించిన‌ట్టుగానే బిగ్ బాస్ విజేత‌గా తెలంగాణ ప్రాంతానికి చెందిన రైతు బిడ్డ ప‌ల్ల‌వి ప్ర‌శాంత్ నిలిచాడు. పాపుల‌ర్ షో బిగ్ బాస్ కు అష్ట‌క‌ష్టాలు ప‌డి ఎంట్రీ ఇచ్చాడు. ఎట్టకేల‌కు నిన్న‌టి వ‌ర‌కు వినోదాన్ని పంచిన ఏడో సీజ‌న్ బిగ్ బాస్ రియాల్టీ షో ముగిసింది. అక్కినేని నాగార్జున చివ‌ర‌కు విన్న‌ర్ ను ప్ర‌క‌టించారు. న‌టుడు శివాజీ ప్ర‌ధాన ఆక‌ర్ష‌ణ‌గా నిలిచారు.

Pallavi Prashanth Won Big Boss Title

విచిత్రం ఏమిటంటే బియ్య‌పు మూట‌తో బిగ్ బాస్ లోకి ప్ర‌వేశించాడు ప‌ల్ల‌వి ప్ర‌శాంత్(Pallavi Prashanth). అత‌డిని అంద‌రూ గేలి చేశారు. వెళ్ల‌గొట్టే ప్ర‌య‌త్నం చేశారు. కానీ వాట‌న్నింటిని త‌ట్టుకుని నిలిచాడు. చివ‌ర‌కు విన్న‌ర్ గా త‌న‌ను తాను ప్రూవ్ చేసుకున్నాడు .

నేను రైతు బిడ్డ‌ను న‌న్ను ప్లీజ్ తీసుకోరా అంటూ కోరాడు. త‌ను అనుకున్న‌ట్టుగానే చ‌రిత్ర సృష్టించాడు ప‌ల్ల‌వి ప్ర‌శాంత్. సామాన్య కుటుంబం నుంచి వ‌చ్చి విజ‌యం సాధించ‌డం విస్తు పోయేలా చేశాడు. త‌న‌కు ఇచ్చిన కారును తండ్రికి, దండ‌ను త‌ల్లికి ఇస్తున్న‌ట్టు వేదిక‌గా ప్ర‌క‌టించాడు ప‌ల్ల‌వి ప్ర‌శాంత్. తాను ఎక్క‌డున్నా రైతు బిడ్డ‌నేనంటూ స్ప‌ష్టం చేశాడు.

విచిత్రం ఏమిటంటే ఓటింగ్ లో ప్ర‌శాంత్ తొలి స్థానంలో నిలిస్తే అమ‌ర్ దీప్ 2వ స్థానంలో, శివాజీ మూడో స్థానానికి ప‌డిపోవ‌డం విశేషం.

Also Read : Anurag Thakur : పారా గేమ్స్ పారా హుషార్