Brahmanandam Keeda Cola : బ్ర‌హ్మి కీడాకోలా ఫ‌స్ట్ లుక్ అదుర్స్
హ‌స్యానందంకు అంతటా విషెష్
Brahmanandam Keeda Cola : తెలుగు సినిమా రంగంలో బ్ర‌హ్మానందం గురించి ఎంత చెప్పినా త‌క్కువే. ఇప్ప‌టికే వెయ్యికి పైగా సినిమాల‌లో న‌టించాడు. ఆయ‌న త‌న 67వ పుట్టిన రోజు జరుపుకున్నారు. కొన్నేళ్లుగా త‌న అద్భుత‌మైన న‌ట‌నా ప్ర‌తిభ‌తో న‌విస్తూ వ‌చ్చాడు బ్ర‌హ్మానందం. ఆరోగ్య రీత్యా గ‌త కొంత కాలం నుంచి కొద్ది సినిమాలు మాత్ర‌మే చేస్తూ వ‌చ్చారు ఈ అరుదైన న‌టుడు.
అడ‌పా ద‌డ‌పా చిత్రాల‌లో న‌టిస్తూ త‌న‌లోని న‌టుడు ఇంకా అలాగే ఉన్నాడ‌ని గుర్తు చేస్తూ వ‌చ్చాడు బ్ర‌హ్మానందం. ప్ర‌తి పాత్ర‌లో జీవిస్తూ న‌విస్తూ తెలుగు సినిమా రంగానికి ఎన‌లేని పేరు తీసుకు వ‌చ్చాడు. ఆయ‌న కీల‌క పాత్ర పోషిస్తున్న కీడా కోలా చిత్రానికి సంబంధించి లుక్ ను రిలీజ్ చేసింది చిత్ర యూనిట్.
ఈ సంద‌ర్బంగా ఆయ‌న మ‌రెన్నో పుట్టిన రోజులు జ‌రుపు కోవాలంటూ కోరింది. పెళ్లి చూపులు, ఈ న‌గ‌రానికి ఏమైంది చిత్రాల‌కు ద‌ర్శ‌క‌త్వం వ‌హించిన తెలంగాణ‌కు చెందిన త‌రుణ్ భాస్క‌ర్ తాజాగా నేరం, హాస్యం క‌లిపి స‌రికొత్త‌గా తెరకెక్కిస్తున్నాడు కీడాకోలా(Brahmanandam Keeda Cola). ఈ చిత్రంలో ఎనిమిది పాత్ర‌లు ఉండ‌గా వీటిలో ఒక మోస్ట్ ప‌వ‌ర్ రోల్ లో క‌నిపించ‌నున్నాడు హాస్య నట చ‌క్ర‌వ‌ర్తి బ్ర‌హ్మానందం.
ఈ ఫ‌స్ట్ లుక్ కు మంచి స్పంద‌న వ‌చ్చింది. సోష‌ల్ మీడియాలో షేర్ చేసిన కొద్ది సేప‌టికే వైర‌ల్ గా మారింది. అంతే కాదు చిత్రానికి సంబంధించిన పోస్ట‌ర్ కు అంద‌మైన క్యాప్ష‌న్ కూడా జ‌త చేశాడు త‌రుణ్ భాస్క‌ర్. దీనికి మీ ప్ర‌పంచం వింత‌గా మార బోతోంది అంటూ పేర్కొన్నారు.
Also Read : ప‌ఠాన్ విజ‌యం దీపికా భావోద్వేగం