CM KCR Slams : గులాబీదే గెలుపు అభివృద్దికి మ‌లుపు

CM KCR Slams : మేడ్చ‌ల్ – బీఆర్ఎస్ బాస్ , సీఎం కేసీఆర్ జోష్ పెంచారు. ఎన్నిక‌ల ప్ర‌చారంలో దూకుడు ప్ర‌ద‌ర్శిస్తున్నారు. ప్ర‌తిప‌క్షాలపై నిప్పులు చెరుగుతున్నారు. ప్ర‌జా ఆశీర్వాద స‌భ పేరుతో భార‌త రాష్ట్ర స‌మితి వ‌రుస‌గా స‌భ‌లు నిర్వ‌హిస్తోంది. ఇందులో భాగంగా మేడ్చ‌ల్ లో ఏర్పాటు చేసిన స‌మావేశంలో సీఎం కేసీఆర్ పాల్గొని ప్ర‌సంగించారు.

CM KCR Slams Opposition

ఇదిలా ఉండ‌గా సీఎం కేసీఆర్ స‌మ‌క్షంలో ఉప్ప‌ల్ సీనియ‌ర్ కాంగ్రెస్ నేత రాగిడి ల‌క్ష్మా రెడ్డి బీఆర్ఎస్ కండువా క‌ప్పుకున్నారు. ఒక ర‌కంగా ఆ పార్టీకి పెద్ద న‌ష్టం. తాజాగా ఆ పార్టీ ప్ర‌క‌టించిన 55 మంది జాబితాలో త‌న‌కు సీటు రాక పోవ‌డంతో తీవ్ర ఆరోప‌ణ‌లు చేశారు టీపీసీసీ చీఫ్ రేవంత్ రెడ్డిపై.

త‌న‌ను న‌మ్మించి మోసం చేశాడ‌ని ఆవేద‌న వ్య‌క్తం చేశారు. ఒకానొక ద‌శ‌లో క‌న్నీటి ప‌ర్యంతం అయ్యారు. దీంతో ల‌క్ష్మా రెడ్డికి అభ‌య హ‌స్తం ఇచ్చారు కేసీఆర్. దీంతో పార్టీలో చేరుతున్న‌ట్లు ప్ర‌క‌టించారు. పార్టీ కండువా క‌ప్పుకున్నారు. ఈ సంద‌ర్భంగా కేసీఆర్(CM KCR) కీల‌క వ్యాఖ్య‌లు చేశారు. గులాబీ జెండా రెప రెప లాడ‌డం ఖాయ‌మ‌ని జోష్యం చెప్పారు. 119 సీట్ల‌కు గాను 100 సీట్లు వ‌స్తాయ‌ని పేర్కొన్నారు సీఎం.

దేశంలో ఎక్క‌డా లేని రీతిలో తెలంగాణ అభివృద్ది ప‌థంలో ప‌య‌నిస్తోంద‌ని స్ప‌ష్టం చేశారు.

Also Read : Telangana BJP Comment : తెలంగాణ‌లో క‌మ‌లం విక‌సించేనా