Donald Trump Shocking : స్టీల్ పై సుంకాన్ని 50 శాతానికి పెంచనున్నట్లు తెలిపిన ట్రంప్

Donald Trump : అమెరికా అధ్యక్షుడు డొనాల్డ్ ట్రంప్ మరోసారి సంచలన ప్రకటన చేశారు. పెన్సిల్వేనియాలో జరిగిన ఓ ర్యాలీలో స్టీల్‌పై ప్రస్తుతం ఉన్న 25% సుంకాన్ని త్వరలోనే 50%కి పెంచనున్నట్లు తెలిపారు. ఇది తాత్కాలికం కాదని, వచ్చే వారం నుంచే అమల్లోకి రానుందని స్పష్టం చేశారు. ట్రంప్(Donald Trump) చేసిన ప్రకటన జపాన్‌కు చెందిన నిప్పాన్ స్టీల్, అమెరికన్ యుఎస్ స్టీల్ మధ్య జరిగిన భాగస్వామ్య ఒప్పందాన్ని ఆయన ప్రమోట్ చేస్తుండగా జరిగింది. ఈ రెండు కంపెనీలు కలిసి అమెరికాలో 70,000 ఉద్యోగాలను కల్పించేందుకు, అమెరికా ఆర్ధిక వ్యవస్థలోకి 14 బిలియన్ డాలర్లు ఇన్వెస్ట్ చేయడానికి సిద్ధంగా ఉన్నాయని ట్రంప్ పేర్కొన్నారు.

Donald Trump Shocking Comments

ఇప్పుడు ఇన్వెస్ట్ చేసిన ఈ గ్రూప్ చాలా హ్యాపీగా ఉందన్నారు. ఎందుకంటే ఇప్పుడు ఎవరూ మీ పరిశ్రమను దోచుకోలేరని ట్రంప్ అన్నారు. 25% సుంకం ఉన్నప్పుడు కొంతవరకు ఆ అడ్డంకిని దాటి వచ్చేవారు. కానీ ఇప్పుడు 50% అయితే, ఎవ్వరూ దాటలేరని ఆయన అభిప్రాయం వ్యక్తం చేశారు. ఈ ప్రకటనతో ప్రపంచ వ్యాప్తంగా స్టీల్(Steel) మార్కెట్‌లో చర్చనీయాంశంగా మారింది. ముఖ్యంగా చైనాకు ఇది పెద్ద షాక్ అని చెప్పవచ్చు. ఎందుకంటే ప్రపంచంలోనే అత్యధిక స్టీల్ ఉత్పత్తి, ఎగుమతులు చేసే దేశం చైనానే. 2018లో అమెరికా 25% టారిఫ్ విధించినప్పటి నుంచి చైనా నుంచి అమెరికాకు స్టీల్ ఎగుమతులు క్రమంగా తగ్గాయి.

ఇటీవల ట్రంప్ Truth Socialలో ఓ పోస్టు చేసి అందులో చైనా అమెరికాతో చేసిన ఒప్పందాన్ని పూర్తిగా ఉల్లంఘించిందన్నారు. మంచి మనిషిగా ఉండే యత్నం చేశామని, కానీ ఫలితం లేదని ట్రంప్ ఆరోపించారు. మేలో చైనా, అమెరికా మధ్య జరిగిన ట్రేడ్ డీల్ ప్రకారం, రెండూ 125% పైగా ఉన్న సుంకాలను తాత్కాలికంగా 90 రోజుల పాటు నిలిపివేయాలని నిర్ణయించారు. ఈ ఒప్పందం వల్ల చైనాలో అనేక పరిశ్రమలు మూసే పరిస్థితి నుంచి తప్పించుకుందన్నది ట్రంప్ వాదన. అయితే చైనా ఆ ఒప్పందాన్ని ఎలా ఉల్లంఘించిందో ట్రంప్ వివరంగా చెప్పలేదు.

అమెరికన్ పరిశ్రమను తిరిగి బలపరిచే నాయకుడిగా తనను తాను ప్రజెంట్ చేసుకోవడానికి ఇది ఒక ఓ వ్యూహమైన నిర్ణయమని పలువురు విశ్లేషకులు అభిప్రాయపడుతున్నారు. విదేశీ కంపెనీలను నియంత్రించి, అమెరికా ఉద్యోగాలను కాపాడే ప్రయత్నం చేస్తానన్న వాగ్దానం కూడా ఆయన కొనసాగిస్తున్నారని చెబుతున్నారు. అయితే ట్రంప్ తీసుకునే ఈ విధానాలు ప్రపంచ వ్యాప్తంగా ట్రేడ్ టెన్షన్‌లకు దారితీయవచ్చనే ఆందోళన కూడా ఉంది.

Also Read : AP Liquor Scam : రెండవ రోజుకు చేరిన ఏపీ లిక్కర్ స్కామ్ నిందితుల సిట్ కస్టడీ