DY Speaker RRR : డిప్యూటీ స్పీకర్ రఘురామ కృష్ణంరాజు కస్టోడియల్ అరెస్ట్ కేసులో కీలక పరిణామం

RRR : మాజీ ఎంపీ, ఉండి టీడీపీ ఎమ్మెల్యే, ఏపీ డిప్యూటీ స్పీకర్ రఘురామ కృష్ణం రాజు కస్టోడియల్ కేసులో డాక్టర్ ప్రభావతికి చుక్కెదురైంది. ఈ కేసుకు సంబంధించి జిల్లా కోర్టులో డాక్టర్ ప్రభావతి ముందస్తు బెయిల్ దాఖలు చేశారు. అయితే ప్రభావతి ముందస్తు బెయిల్ పిటిషన్‌ను జిల్లా కోర్టు కొట్టివేసింది. ఆర్‌ఆర్‌ఆర్ కస్టోడియల్ కేసులో డాక్టర్ ప్రభావతి ఏ5 గా ఉన్నారు. కాగా.. రఘురామ కృష్ణం రాజు(RRR)పై థర్డ్ డిగ్రీ ప్రయోగించిన కేసులో నిందితులకు వరుసగా ఎదురుదెబ్బలు తగులుతున్నాయి. రఘురామను గతంలో ఆస్పత్రికి పరీక్షల నిమిత్తం కోర్టు పంపించింది. ఈ క్రమంలో ఆయన కాళ్ళుపై దెబ్బలు ఉన్నాయని వైద్యులు నివేదిక ఇచ్చారు. ఆ నివేదికను అప్పటి ప్రభుత్వాసుపత్రి సూపరింటెండెంట్ డాక్టర్ ప్రభావతి తారుమారు చేశారని వైద్యలు తెలిపారు. దీంతో అప్పటిలో ఆర్‌ఆర్‌ఆర్‌ను సికింద్రాబాద్‌ను ఆర్మీ ఆసుపత్రికి వైద్య పరీక్షల నిమిత్తం సుప్రీం కోర్టు పంపించింది. ఆర్‌ఆర్‌ఆర్‌ కాలికి గాయాలు ఉన్నాయని ఆర్మీ ఆసుపత్రి పేర్కొంది.

DY Speaker RRR Case Updates

జైలు నుంచి విడుదల అయిన వెంటనే తనపై థర్డ్ డిగ్రీ ప్రయోగించిన కేసులో చర్యలు తీసుకోవాలని కోరుతూ కోర్టులో రఘురామ పిటిషన్ వేయడంతో పాటు.. పోలీసులకు ఫిర్యాదు చేశారు. అయినప్పటికీ అప్పట్లో వైసీపీ ప్రభుత్వం పట్టించుకోలేదు. ఆ తరువాత కూటమి ప్రభుత్వం అధికారంలోకి వచ్చిన వెంటనే గుంటూరు ఎస్పీకు రఘురామ ఫిర్యాదు చేశారు. ఈ క్రమంలో నగరంపాలెం పోలీసులు కేసు నమోదు చేశారు. ఇదే కేసులో దర్యాప్తు అధికారి విజయాపాల్‌ను పోలీసులు అరెస్ట్ చేశారు. ఇప్పుడు డాక్టర్ ప్రభావతి ముందస్తు బెయిల్ పిటిషన్‌ను గుంటూరు జిల్లా కోర్టు డిస్మస్ చేసింది. ఈ కేసులో ఆర్‌ఆర్‌‌ఆర్‌ తరపున హైకోర్ట్ న్యాయవాది వీవీ లక్ష్మీనారాయణ ఇంప్లీడ్ పిటిషన్ వేసి వాదనలు వినిపించారు.

Also Read : KTR : సినీనటుడు అల్లు అర్జున్ అరెస్ట్ పై భగ్గుమన్న కేటీఆర్