Hardik Pandya : హార్దిక్ పాండ్యా షాకింగ్ కామెంట్స్

Hardik Pandya : గుజ‌రాత్ టైటాన్స్ స్కిప్ప‌ర్ హార్దిక్ పాండ్యా షాకింగ్ కామెంట్స్ చేశారు. జైపూర్ వేదిక‌గా జ‌రిగిన కీల‌క లీగ్ మ్యాచ్ లో రాజ‌స్థాన్ రాయ‌ల్స్ పై 9 వికెట్ల తేడాతో గ్రాండ్ విక్ట‌రీ సాధించింది. మ్యాచ్ అనంత‌రం హార్దిక్ పాండ్యా మీడియాతో మాట్లాడారు. గ‌తంలో కొన్ని పొరపాట్లు చేశా. చెత్త నిర్ణ‌యాలు కూడా తీసుకున్నా. ఈ త‌రుణంలో చేసిన పొర‌పాట్ల‌ను గుర్తించి పున‌రావృతం కాకుండా చూసుకుంటున్నాన‌ని చెప్పారు.

ఐపీఎల్ లో రాణించ‌డానికి ప్ర‌ధాన కార‌ణం గ‌తంలో చేసిన పొర‌పాట్లు చేయ‌క పోవ‌డ‌మేన‌ని పేర్కొన్నారు హార్దిక్ పాండ్యా. ఇందులో భాగంగానే తాము ఢిల్లీ క్యాపిట‌ల్స్ తో ఓట‌మి పాల‌య్యామ‌టూ స్ప‌ష్టం చేశారు గుజ‌రాత్ టైటాన్స్ కెప్టెన్. త‌ప్పుల్ని ఒప్పుకునేందుకు తాను సిగ్గు ప‌డ‌న‌ని చెప్పారు. త‌ప్పుల‌ను అంగీక‌రించి వాటిని స‌రి చేసుకోవ‌డ‌మే త‌న విజ‌య ర‌హ‌స్య‌మ‌ని చెప్పారు హార్దిక్ పాండ్యా(Hardik Pandya).

ఇక బౌలింగ్ విష‌యానికి వ‌స్తే తాను ప‌ట్టించుకోన‌ని చెప్పాడు. ర‌షీద్ ఖాన్ , నూర్ అహ్మ‌ద్ అద్భుతంగా రాణిస్తున్నార‌ని ఏం చేయాల‌నే దానిపై అత‌డికే వ‌దిలి వేస్తాన‌ని కుండ బ‌ద్ద‌లు కొట్టారు. ఇద్ద‌రూ ఆఫ్గ‌నిస్తాన్ కు చెందిన వారే కావ‌డం వ‌ల్ల ప‌ని సులువ‌వుతుంద‌ని తెలిపాడు హార్దిక్ పాండ్యా.

త‌మ ఆట‌గాళ్లు అద్భుతంగా రాణించార‌ని, కీల‌క‌మైన వికెట్ల‌ను తీయ‌డంలో ఫోక‌స్ పెట్టార‌ని ఆ క్రెడిట్ అంతా ర‌షీద్ ఖాన్ , నూర్ అహ్మ‌ద్, ష‌మీ, లిటిల్ కు ద‌క్కుతుంద‌న్నాడు గుజ‌రాత్ కెప్టెన్.

Also Read : బాబ‌ర్ ఆజమ్ అరుదైన రికార్డ్