Sangakkara : మెక్ కాయ్ నిబ‌ద్ద‌త గొప్ప‌ది – సంగ‌క్క‌ర
త‌ల్లికి అనారోగ్యం ఉన్నా ఆడాడు
Sangakkara : ఓడెమ్ మెక్ కాయ్ విండీస్ స్టార్ బౌల‌ర్. ప్ర‌స్తుతం ఐపీఎల్ 2022లో రాజ‌స్థాన్ రాయ‌ల్స్ జ‌ట్టు త‌ర‌పున ఆడుతున్నాడు. ఆట ప‌ట్ల అత‌డికి ఉన్న నిబ‌ద్ద‌త గురించి ప్ర‌త్యేకంగా ప్ర‌స్తావించాడు రాజ‌స్తాన్ రాయ‌ల్స్ హెడ్ కోచ్ కుమార సంగ‌క్క‌ర(Sangakkara).
కీల‌క‌మైన క్వాలిఫ‌యిర్ -2 మ్యాచ్ లో రాజ‌స్తాన్ బెంగ‌ళూరుపై 7 వికెట్ల తేడాతో ఘ‌న విజ‌యాన్ని న‌మోదు చేసింది. ఫైన‌ల్ కు చేరింది. మొద‌ట బ్యాటింగ్ చేసిన ఆర్సీబీని 20 ఓవ‌ర్ల‌లో 8 వికెట్లు ప‌డ‌గొట్టి 157 ప‌రుగుల‌కే క‌ట్ట‌డి చేశారు రాజ‌స్తాన్ రాయ‌ల్స్ బౌల‌ర్లు.
ప్ర‌ధానంగా చెప్పు కోవాల్సింది ప్ర‌సిద్ద్ క్రిష్ణ, ఓడెమ్ మెక్ కాయ్ . ఇద్ద‌రూ చెరో 4 ఓవ‌ర్లు వేశారు. చెరో 3 వికెట్లు తీసి స‌త్తా చాటారు. మ్యాచ్ అనంత‌రం సంగ‌క్క‌ర మాట్లాడాడు. ఆట ప‌ట్ల మెక్ కాయ్ కి ఉన్న నిబ‌ద్ద‌త గురించి ప్ర‌స్తావించాడు.
ఓ వైపు మెక్ కాయ్ త‌ల్లి అనారోగ్యంతో ఉంది. ఇక్క‌డి నుంచే ఆమె క్షేమ స‌మాచారం అడిగి తెలుసుకుంటున్నాడు. ఆమెకు కావాల్సిన వైద్య సదుపాయాలు అందేలా చూస్తున్నాడు.
ఇదే స‌మ‌యంలో ఆట ప‌ట్ల, జ‌ట్టు ప‌ట్ల త‌న‌కు ఉన్న నిబ‌ద్ద‌త‌ను చాటాడంటూ మెక్ కాయ్ ను ప్ర‌శంస‌ల‌తో ముంచెత్తాడు. ఈ కీల‌క విజ‌యంలో మెక్ కాయ్ పాత్ర విస్మ‌రించ లేనిద‌ని పేర్కొన్నాడు సంగ‌క్క‌ర(Sangakkara).
అత‌ను వ్య‌క్తిగ‌త ఇబ్బందుల‌ను ప‌క్క‌న పెట్టాడు. జ‌ట్టు కోసం స‌ర్వ శ‌క్తులు ధార పోశాడంటూ కితాబు ఇచ్చాడు. జ‌ట్టు కోసం ఆడుతున్న మెక్ కాయ్ ను మేనేజ్ మెంట్ అన్ని విధాలుగా ఆదుకుంటుంద‌న్నాడు.
Also Read : విజ‌యానికి వారే అర్హులు – డుప్లెసిస్