IND vs NZ 3rd T20 : మోత మోగిస్తారా చాప చుట్టేస్తారా

IND vs NZ 3rd T20 : కీల‌క‌మైన సీరీస్ ను నిర్ణ‌యించే మూడో టీ20 మ్యాచ్ బుధ‌వారం ప్ర‌తిష్టాత్మ‌క‌మైన గుజ‌రాత్ లోని అహ్మ‌దాబాద్ మోదీ స్టేడియంలో జ‌ర‌గ‌నుంది. ఇప్ప‌టికే తొలి టీ20 మ్యాచ్ లో న్యూజిలాండ్(IND vs NZ 3rd T20) స‌త్తా చాటితే ల‌క్నో వేదిక‌గా జ‌రిగిన రెండో టీ20 మ్యాచ్ లో భార‌త్ గెలుపొంది. దీంతో మూడు టీ20 మ్యాచ్ ల సీరీస్ లో ఇరు జ‌ట్లు చెరో మ్యాచ్ గెలుపొందాయి.

ఇక సీరీస్ ను నిర్ణ‌యించే కీల‌క మ్యాచ్ ప్ర‌స్తుతం కొన‌సాగుతుంది. ఇప్ప‌టికే శ్రీ‌లంక‌తో వ‌న్డే, టీ20 సీరీస్ గెలుచుకున్న భార‌త జ‌ట్టు అద్భుత‌మైన ఫామ్ తో దూసుకు వెళుతుండ‌గా న్యూజిలాండ్ తో జ‌రిగిన వ‌న్డే సీరీస్ ను 3-0 తేడాతో క్లీన్ స్వీప్ చేసింది. కానీ హార్దిక్ పాండ్యా సార‌థ్యంలోని టీ20 మ్యాచ్ లో ఒకటి ఓట‌మి పాలై మరోటి గెలుపొంద‌డంతో ఈ మ్యాచ్ ఇరు జ‌ట్లకు కీల‌కంగా మారింది.

అహ్మ‌దాబాద్ వేదికగా జ‌రిగే కీల‌క పోరులో ఎవ‌రు గెలిస్తే వారే సీరీస్ విజేత‌గా నిలుస్తారు. దీంతో ఇరు జ‌ట్లు స‌ర్వ శ‌క్తులు ఒడ్డేందుకు రెడీ అయ్యాయి. ఇందు కోసం ఇప్ప‌టి నుంచే క‌స‌ర‌త్తు ప్రారంభించాయి. భార‌త జ‌ట్టు(IND vs NZ 3rd T20) కీల‌క మార్పులు ఏవీ చేయ‌క పోవ‌చ్చు. మ‌రో వైపు న్యూజిలాండ్ ఎలాగైనా స‌రే స‌త్తా చాటాల‌ని పోయిన ప‌రువు కాపాడు కోవాల‌ని అనుకుంటోంది.

ఇక జ‌ట్ల ప‌రంగా చూస్తే ఇలా ఉన్నాయి. భార‌త జ‌ట్టు హార్దిక్ పాండ్యా కెప్టెన్ కాగా రాహుల్ త్రిపాఠి, ఇషాన్ కిష‌న్ , శుభ్ మ‌న్ గిల్ , సూర్య కుమార్ , దీప‌క్ హుడా, సుంద‌ర్ , శివమ్ మావి, కుల్దీప్ యాద‌వ్ , మాలిక్ , అర్ష్ దీప్ సింగ్ ఆడ‌తారు. మ‌రో వైపు కీవీస్ జ‌ట్టుకు శాంట్న‌ర్ కెప్టెన్ కాగా అలెన్ , కాన్వే , చాప్ మ‌న్ , ఫిలిప్స్ , మిచెల్ , మైకేల్ బ్రేస్ వెల్ , ఫెర్గుస‌న్ , డ‌ఫీ , టిక్న‌ర్ ఆడ‌తారు.

Also Read : లీస్ట‌ర్ షైర్ క్ల‌బ్ తో ర‌హానే ఒప్పందం