India Squad : సౌతాఫ్రికాతో సీరీస్ కు ధావ‌న్ కెప్టెన్
వైస్ కెప్టెన్ గా సంజూ శాంస‌న్ ఛాన్స్
India Squad : ద‌క్షిణాఫ్రికాతో జ‌రిగే వ‌న్డే సీరీస్ కోసం భార‌త క్రికెట్ నియంత్ర‌ణ మండ‌లి (బీసీసీఐ) జ‌ట్టును ప్ర‌క‌టించే అవ‌కాశం ఉంది. క్రికెట్ వ‌ర్గాల స‌మాచారం మేర‌కు వెట‌ర‌న్ ఓపెన‌ర్ శిఖ‌ర్ ధావ‌న్ కెప్టెన్ గా ఎంపిక కానున్నాడు. ఇక కేర‌ళ స్టార్ ప్లేయ‌ర్ సంజూ శాంస‌న్ వైస్ కెప్టెన్ గా ఉండ‌నున్నారు.
ఇప్ప‌టికే టి20 వ‌ర‌ల్డ్ క‌ప్ కు సంబంధించి సంజూ శాంస‌న్ ను ఎంపిక చేయ‌క పోవ‌డంతో పెద్ద ఎత్తున నిర‌స‌న వ్య‌క్త‌మైంది. దీంతో ఎట్ట‌కేల‌కు దిగి వ‌చ్చిన బీసీసీఐ కీల‌క నిర్ణ‌యం తీసుకుంది. ఇండియా – ఎ జ‌ట్టుకు సంజూ శాంస‌న్ ను కెప్టెన్ గా ఎంపిక చేసింది. అత‌డ సార‌థ్యంలో ఇప్ప‌టికే కీవీస్ పై వ‌న్డే సీరీస్ నెగ్గింది.
వ‌చ్చే అక్టోబ‌ర్ నెల‌లో భార‌త జ‌ట్టు ఆస్ట్రేలియాలో జ‌రిగే వ‌ర‌ల్డ్ క‌ప్ కు వెళ్ల‌నుంది. దీంతో ప్ర‌ధాన ఆట‌గాళ్ల‌కు విశ్రాంతి ఇస్తార‌ని టాక్. హెడ్ కోచ్ రాహుల్ ద్ర‌విడ్ లేక పోవ‌డంతో అత‌డి స్థానంలో వీవీఎస్ ల‌క్ష్మ‌ణ్ హెడ్ గా ఉండ‌నున్న‌ట్లు స‌మాచారం. ఇక జ‌ట్టు(India Squad) ప‌రంగా చూస్తే ఇప్ప‌టికే ప‌లువురు ఎంపికైన ఆట‌గాళ్లు స‌త్తా చాటుతున్నారు.
త‌మ‌దైన శైలిలో రాణిస్తున్నారు. పృథ్వీ షా, రుతురాజ్ గైక్వాడ్, సంజూ శాంస‌న్ మెరుగైన ప్ర‌ద‌ర్శ‌న‌తో ఆక‌ట్టుకున్నారు. ఇక జ‌ట్టు ప‌రంగా చూస్తే ఇలా ఉండ‌నుందని అంచ‌నా.
శిఖ‌ర్ ధావ‌న్ , శుభ్ మ‌న్ గిల్ , రుతురాజ్ గైక్వాడ్ , పృథ్వీ షా, సంజూ శాంస‌న్ , రాహుల్ త్రిపాఠి, రాజ్ దత్ పాటిదార్, షాబాజ్ అహ్మ‌ద్ , శార్దూల్ ఠాకూర్ , కుల్దీప్ యాద‌వ్ , ఉమ్రాన్ మాలిక్ , ప్ర‌సిద్ద్ కృష్ణ, కుల‌దీప్ యాద‌వ్ ఎంపిక‌య్యే అవ‌కాశం ఉంది.
Also Read : వివాదాల‌మ‌యం ముగిసిన ప‌ద‌వీకాలం