Sanju Samson : సంజూ శాంసన్ కు నో ఛాన్స్
బీసీసీఐ సెలెక్ష‌న్ క‌మిటీపై ఫైర్
Sanju Samson : కేర‌ళ స్టార్ క్రికెట‌ర్ సంజూ శాంసన్ ప‌ట్ల బీసీసీఐ అనుస‌రిస్తున్న విధానంపై స‌ర్వ‌త్రా నిర‌స‌న వ్య‌క్తం అవుతోంది. అద్బుత‌మైన ట్రాక్ రికార్డు క‌లిగి ఉన్న ఆట‌గాడిగా గుర్తింపు పొందాడు. ఇండియ‌న్ ప్రిమీయ‌ర్ లీగ్ లో రాజ‌స్థాన్ రాయ‌ల్స్ కు కెప్టెన్ గా ఉన్నాడు.
అద్బుత‌మైన బ్యాట‌ర్ గా , వికెట్ కీప‌ర్ గా రాణించాడు. కానీ ఇటీవ‌ల విండీస్ టూర్ లో ఎంపిక చేసినా ఆ త‌ర్వాత ఆసియా క‌ప్ కు ఎంపిక చేయ‌లేదు. క‌నీసం రిజ‌ర్వ్ ఆట‌గాడిగా కూడా ప‌రిగ‌ణ‌లోకి తీసుకోలేదు. బీసీసీఐ ఆధ్వ‌ర్యంలో భార‌త్ లో జ‌రిగే వ‌న్డే వ‌ర‌ల్డ్ క‌ప్ లో సైతం సంజూ శాంసన్ ను ప‌క్క‌న పెట్టారు.
Sanju Samson Viral
ఆస్ట్రేలియాతో ఆడే జ‌ట్టును ప్ర‌క‌టించింది బీసీసీఐ సెలెక్ష‌న్ క‌మిటీ. సీనియ‌ర్ల‌కు రెస్ట్ ఇచ్చినా సంజూ శాంసన్(Sanju Samson) ను ఎంపిక చేయ‌క పోవ‌డాన్ని తీవ్రంగా త‌ప్పు ప‌ట్టారు భార‌త క్రికెట్ జ‌ట్టు మాజీ క్రికెట‌ర్లు ఇర్ఫాన్ ప‌ఠాన్, రాబిన్ ఊత‌ప్ప.
క‌నీసం రిజ‌ర్వ్ స్థానానికి కూడా సంజూ శాంసన్ ప‌నికి రాడా అంటూ బీసీసీఐని ప్ర‌శ్నించారు. మాజీ క్రికెట‌ర్ల తాజా కామెంట్స్ తో ఒక్క‌సారిగా క‌ల‌క‌లం రేపింది. సోష‌ల్ మీడియాలో సైతం ముంబై లాబీయింగ్ భారీగా ప‌ని చేస్తోందంటూ మండిప‌డుతున్నారు.
Also Read : PM Modi : పార్ల‌మెంట్ ప్ర‌జా దేవాల‌యం