RR vs MI IPL 2022 : రెచ్చి పోయిన బ‌ట్ల‌ర్..హెట్మెయిర్

RR vs MI IPL 2022 ; ఐపీఎల్ 2022 రిచ్ లీగ్ లో భాగంగా ముంబై లోని బీవీ పాటిల్ స్టేడియంలో జ‌రిగిన లీగ్ మ్యాచ్ లో రాజ‌స్తాన్ రాయ‌ల్స్(RR vs MI) భారీ స్కోర్ సాధించింది. ముంబై ఇండియ‌న్స్ బౌల‌ర్ల‌కు చుక్క‌లు చూపించారు రాజ‌స్తాన్ బ్యాట‌ర్లు.

రోహిత్ శ‌ర్మ టాస్ గెలిచి ఫీల్డింగ్ ఎంచుకున్నాడు. దీంతో బ‌రిలోకి దిగిన రాజ‌స్తాన్ ప‌రుగుల వ‌ర‌ద పారించింది. నిర్ణీత 20 ఓవ‌ర్ల‌లో 8 వికెట్ల నష్ట పోయి 193 ప‌రుగులు చేసింది.

194 ప‌రుగుల టార్గెట్ ముందుంచింది ముంబై ఇండియ‌న్స్ కు. రాజ‌స్తాన్ బ్యాట‌ర్ జోష్ బ‌ట్ల‌ర్ అద్భుత‌మైన సెంచ‌రీ చేసి స‌త్తా చాటుకున్నాడు. కేవ‌లం 68 బంతులు ఎదుర్కొని 100 ప‌రుగులు చేశాడు.

ఇందులో 11 ఫోర్లు 5 సిక్స్ లు ఉన్నాయి. ఇక బ‌ట్ల‌ర్ తో పాటు రాజ‌స్తాన్ రాయ‌ల్స్ కెప్టెన్ సంజూ శాంస‌న్ 30 ప‌రుగులు చేస్తే హెట్ మైర్ 35 ర‌న్స్ చేశాడు. వీరిద్ద‌రూ సైతం ముంబై బౌల‌ర్ల‌కు చుక్క‌లు చూపించారు.

ఇక ముంబై ఇండియ‌న్స్ బౌల‌ర్ల‌లో జ‌స్ ప్రీత్ బుమ్రా , మిల్స్ చెరో మూడు వికెట్లు ప‌డ‌గొట్టారు. కిర‌న్ పొలార్డ్ ఒక వికెట్ తీశాడు. ఇదిలా ఉండ‌గా చివ‌రి దాకా ప‌టిష్ట స్థితిలో ఉన్న రాజ‌స్థాన్ రాయ‌ల్స్ ఆఖ‌రు ఓవ‌ర్ వ‌చ్చే స‌రికి వ‌రుసగా మూడు వికెట్ల‌ను కోల్పోయింది.

ఇదిలా ఉండ‌గా ఇప్ప‌టి వ‌ర‌కు ముంబై ఇండియ‌న్స్ (RR vs MI)ఇంకా బోణీ కొట్ట‌లేదు. ఈ మ్యాచ్ అత్యంత కీల‌కం ఇరు జ‌ట్ల‌కు. య‌శ‌స్వి జైస్వాల్, ప‌డిక్క‌ల్ త‌క్కువ స్కోర్ కే ప‌రిమితం అయ్యారు. మొత్తం మీద రాజ‌స్తాన్ గౌర‌వ ప్ర‌ద‌మైన స్కోర్ చేసింది.

Also Read : కేకేఆర్ గెలుపులో ఉమేష్ కీల‌కం