Karn Sharma Josh Hazlewood : తిప్పేసిన క‌ర‌ణ్..హేజిల్ వుడ్

Karn Sharma Josh Hazlewood : ల‌క్నో వేదిక‌గా జ‌రిగిన ఐపీఎల్ లీగ్ మ్యాచ్ లో రాయ‌ల్ ఛాలెంజ‌ర్స్ బెంగ‌ళూరు అద్బుత విజ‌యాన్ని న‌మోదు చేసింది. త‌మ‌పై గెలుపొందిన ల‌క్నో సూప‌ర్ జెయింట్స్ కు చుక్క‌లు చూపించింది. తొలుత త‌క్కువ స్కోర్ కే ప‌రిమిత‌మైనా ఆ త‌ర్వాత ల‌క్నోకు ఆర్సీబీ బౌల‌ర్లు షాక్ ఇచ్చారు.

మ్యాచ్ లో భాగంగా మొద‌ట బ్యాటింగ్ చేసింది ఆర్సీబీ. నిర్ణీత 20 ఓవ‌ర్ల‌లో 9 వికెట్లు కోల్పోయి కేవ‌లం 126 ర‌న్స్ మాత్ర‌మే చేసింది. ల‌క్నో బౌల‌ర్లు కోలుకోలేని రీతిలో బెంగ‌ళూరు బ్యాట‌ర్ల‌ను దెబ్బ కొట్టారు. వ‌ర్షం రావ‌డం, తిరిగి మ్యాచ్ ప్రారంభం కావ‌డంతో బౌల‌ర్ల పంట పండింది. ఇరు జ‌ట్ల‌కు చెందిన బౌల‌ర్లే త‌మ ఆధిప‌త్యాన్ని ప్ర‌ద‌ర్శించారు.

అనంత‌రం 127 ప‌రుగుల స్వల్ప ల‌క్ష్యంతో మైదానంలోకి దిగిన ల‌క్నో సూప‌ర్ జెయింట్స్ ఏ కోశాన పోటీ ఇవ్వ‌లేక పోయింది. ప్ర‌ధానంగా రాయ‌ల్ ఛాలెంజ‌ర్స్ బెంగ‌ళూరు బౌల‌ర్లు దుమ్ము రేపారు. క‌ళ్లు చెదిరే బంతుల‌తో క‌ట్ట‌డి చేశారు. దీంతో ల‌క్నో బ్యాట‌ర్లు పెవిలియ‌న్ కు క్యూ క‌ట్టారు.

ఆర్సీబీ బౌల‌ర్లు క‌ర‌ణ్ శ‌ర్మ‌, జోష్ హేజిల్ వుడ్(Karn Sharma Josh Hazlewood) శాసించారు. త‌మ జ‌ట్టుకు అద్భుత విజ‌యాన్ని సాధించి పెట్టారు. దీంతో ల‌క్నో 108 ప‌రుగుల‌కే చాప చుట్టేసింది. దీంతో ఆర్సీబీ 18 ప‌రుగుల తేడాతో గ్రాండ్ విక్ట‌రీని న‌మోదు చేసింది. హేజిల్ వుడ్ 15 ప‌రుగులు ఇచ్చి 2 వికెట్లు తీశాడు. లెగ్ స్పిన్న‌ర్ క‌ర‌ణ్ శ‌ర్మ 20 ర‌న్స్ ఇచ్చి 2 వికెట్లు కూల్చాడు.

Also Read : కోహ్లీ గంభీర్ గ‌రం గ‌రం