KKR vs SRH IPL 2023 : పోరాడి ఓడిన కోల్ క‌తా

KKR vs SRH IPL 2023 : ఈడెన్ గార్డెన్ వేదిక‌గా జ‌రిగిన ఐపీఎల్ 16వ సీజ‌న్ లీగ్ మ్యాచ్ లో ప‌రుగుల వ‌ర‌ద పారింది. 23 ప‌రుగుల తేడాతో స‌న్ రైజ‌ర్స్ హైద‌రాబాద్ అద్భుత విజ‌యాన్ని న‌మోదు చేసింది. కోల్ క‌తా నైట్ రైడ‌ర్స్ చివ‌రి దాకా పోరాడింది. కానీ ఫ‌లితం లేక పోయింది.

కోల్ క‌తా హీరో రింకూ సింగ్ మ‌రోసారి మెరిశాడు. చివ‌రి దాకా ఉన్నా జ‌ట్టును విజ‌య‌పు అంచుల్లోకి తీసుకు వెళ్ల‌లేక పోయాడు. ఇక కెప్టెన్ నితీశ్ రాణా కూడా అద్భుతంగా ఆడినా భారీ స్కోర్ ను ఛేదించే క్ర‌మంలో వికెట్లు పారేసుకున్నారు.

ముందుగా బ్యాటింగ్ చేసిన స‌న్ రైజ‌ర్స్(KKR vs SRH IPL 2023) దుమ్ము రేపింది. ఏకంగా నిర్ణీత 20 ఓవ‌ర్ల‌లో 228 ప‌రుగుల భారీ స్కోర్ చేసింది. హైద‌రాబాద్ బ్యాట‌ర్ హ్యారీ బ్రూక్ ఆకాశ‌మే హ‌ద్దుగా చెల‌రేగాడు. 12 ఫోర్లు 3 సిక్స‌ర్ల‌తో సెంచ‌రీ చేశాడు.

ఇక తానేమీ తక్కువ కాదంటూ కెప్టెన్ ఏడెన్ మార్క్రామ్ 2 ఫోర్లు 5 సిక్స‌ర్ల‌తో హాఫ్ సెంచ‌రీతో రెచ్చి పోయాడు. అనంత‌రం బ‌రిలోకి దిగిన కోల్ క‌తా నైట్ రైడ‌ర్స్ బ్యాట‌ర్లను హైద‌రాబాద్ బౌల‌ర్లు క‌ట్ట‌డి చేశారు. గుర్బాజ్ డ‌కౌట్ కాగా జ‌గ‌దీశ‌న్ 36 ర‌న్స్ చేశాడు. 

ఇందులో 5 ఫోర్లు ఒక సిక్స‌ర్ ఉంది. ఇక నితీశ్ రాణా 41 బంతులు ఎదుర్కొని 75 ప‌రుగులు చేశాడు. ఇందులో 5 ఫోర్లు 6 సిక్స‌ర్లు ఉన్నాయి. ఇక రింకూ సింగ్ మ‌రోసారి దుమ్ము రేపాడు. 31 బంతుల్లో 58 ర‌న్స్ చేశాడు. ఇందులో 4 ఫోర్లు 4 సిక్స‌ర్లు ఉన్నాయి.

Also Read : మెరిసిన బ్రూక్ మురిసిన కావ్య