LSG vs RCB IPL 2023 : ఉత్కంఠ పోరులో జెయింట్స్ దే హవా

LSG vs RCB IPL 2023 : అచ్చొచ్చిన బెంగ‌ళూరు చిన్న‌స్వామి స్టేడియంలో ఊహించ‌ని రీతిలో కోలుకోలేని షాక్ త‌గిలింది. కేఎల్ రాహుల్ సార‌థ్యంలోని ల‌క్నో సూప‌ర్ జెయింట్స్ అసాధార‌ణ‌మైన రీతిలో పోరాట ప‌టిమ‌ను ప్ర‌ద‌ర్శించింది. చివ‌రి బంతి వ‌ర‌కు నువ్వా నేనా అన్న రీతిలో మ్యాచ్ కొన‌సాగింది. గెలుపు అంచుల దాకా వ‌చ్చిన ఆర్సీబీ(LSG vs RCB IPL 2023) బోల్తా ప‌డింది.

విజ‌యం త‌ప్ప‌ద‌ని అనుకున్న త‌రుణంలో బెంగ‌ళూరుకు చుక్క‌లు చూపించాడు విండీస్ స్టార్ క్రికెట‌ర్ నికోల‌స్ పూర‌న్. పూన‌కం వ‌చ్చిన‌ట్లు ఆడాడు. 19 బంతులు ఆడిన పూర‌న్ 4 ఫోర్లు 7 సిక్స‌ర్ల‌తో రెచ్చి పోయాడు. ముందుగా బ్యాటింగ్ చేసిన ఆర్సీబీ నిర్ణీత 20 ఓవ‌ర్ల‌లో కేవ‌లం 2 వికెట్లు కోల్పోయి 212 ప‌రుగుల భారీ స్కోర్ సాధించింది.

మాజీ స్కిప్ప‌ర్ విరాట్ కోహ్లీ దుమ్ము రేపాడు. కానీ ఆర్సీబీ ఆశ‌ల‌పై నీళ్లు చ‌ల్లాడు పూర‌న్. ఏకంగా 65 ప‌రుగుల‌తో చెల‌రేగ‌డంతో ల‌క్నో సూప‌ర్ జెయింట్స్ ఐపీఎల్ లీగ్ లో మూడొ విజ‌యాన్ని న‌మోదు చేసింది.

భారీ ల‌క్ష్య ఛేద‌నంలో 23 ర‌న్స్ కే కీల‌క వికెట్లు కోల్పోయింది. క‌ష్టాల్లో ఉన్న పూర‌న్ రాక‌తో సీన్ పూర్తిగా మారి పోయింది. మొత్తం నాలుగు మ్యాచ్ లు ఆడిన ఆ జ‌ట్టు ఒక‌టి ఓడి పోయింది. పాయింట్ల ప‌ట్టిక‌లో టాప్ లో నిలిచింది.

Also Read : నిప్పులు చెరిగిన పూర‌న్