Nithin Kamath Modi : మోదీ శ‌క్తిని చూసి విస్తు పోయా – సిఇఓ
జిరోధా సిఇఓ నితిన్ కామ‌త్ కామెంట్స్
Nithin Kamath Modi : భార‌త దేశ ప్ర‌ధాన‌మంత్రి న‌రేంద్ర దామోద‌ర దాస్ మోదీపై ఆస‌క్తిక‌ర వ్యాఖ్య‌లు చేశారు జిరోధా చీఫ్ ఎగ్జిక్యూటివ్ ఆఫీస‌ర్ (ముఖ్య కార్యనిర్వ‌హ‌ణ అధికారి ) నితిన్ కామ‌త్(Nithin Kamath Modi).
బెంగ‌ళూరు ప‌ర్య‌ట‌న‌లో భాగంగా ప్ర‌ముఖ ద‌క్షిణాదికి చెందిన సినీ న‌టులు, క్రీడా కారులు, వివిధ సంస్థ‌ల‌కు చెందిన వ్యాపార‌వేత్త‌లు, సిఇఓలు, చైర్మ‌న్లు రాజ్ భ‌వ‌న్ లో జ‌రిగిన విందులో పాల్గొన్నారు. ఈ సంద‌ర్భంగా ప్ర‌ధాన మంత్రితో వారు త‌మ అభిప్రాయాల‌ను, ఆలోచ‌న‌ల‌ను పంచుకున్నారు.
ఇదిలా ఉండ‌గా క‌లిసిన వారిలో ప్ర‌ముఖ వ్యాపార‌వేత్త జిరోధా సంస్థ సిఇఓ నితిన్ కామ‌త్ కూడా ఉన్నారు. ప్ర‌ధాన మంత్రి మోదీని చూసి తాను విస్మ‌యానికి గురైన‌ట్లు తెలిపారు. ట్విట్ట‌ర్ వేదిక‌గా న‌రేంద్ర మోదీని ఆకాశానికి ఎత్తేశాడు. ఇంత‌టి అద్భుత‌మైన, శ‌క్తివంత‌మైన, చైత‌న్య‌వంత‌మైన నాయ‌కుడిని తాను చూడ‌లేద‌ని పేర్కొన్నాడు. న‌రేంద్ర మోదీ వ‌య‌స్సు 72 ఏళ్లు అని తెలుసుకుని తాను ఆశ్చ‌ర్యానికి లోనైన‌ట్లు తెలిపాడు నితిన్ కామ‌త్.
బెంగ‌ళూరులో ఏరో ఇండియా 2023 ప్రారంభం సంద‌ర్బంగా న‌రేంద్ర మోదీ బెంగ‌ళూరులో ప‌ర్య‌టించారు. ఇదిలా ఉండ‌గా నితిన్ కామ‌త్ ఫైనాన్షియ‌ల్ స‌ర్వీసెస్ కంపెనీ జిరోధాను స్థాపించాడు. ప్ర‌ధాని న‌రేంద్ర మోదీతో ఉన్న ఫోటోను షేర్ చేసిన కొంత సేప‌ట్లోనే 2 ల‌క్ష‌ల‌కు పైగా లైక్స్ వ‌చ్చాయి.
భార‌త దేశం ప‌ట్ల ఇంత‌టి ప్రేమ క‌లిగి ఉన్న నాయ‌కుడిని చూడ‌లేద‌ని కితాబు ఇచ్చారు నితిన్ కామ‌త్(Nithin Kamath Modi). ప్ర‌ధాన‌మంత్రితో జ‌రిగిన సంభాష‌ణ అద్బుతంగా సాగింద‌ని తెలిపాడు నితిన్ కామ‌త్. 30 నిమిషాల‌కు పైగా సాగింది.
Also Read : 2024 ఎన్నిక‌ల్లో బీజేపీకి పోటీ లేదు – షా