MP Sri Bharat : విశాఖ స్టీల్ ప్లాంట్ ప్రొడక్టివిటీ పై అసంతృప్తి వ్యక్తం చేసిన ఎంపీ

Sri Bharat : విశాఖపట్నం ఎంపీ శ్రీభరత్, ఇటీవల పార్లమెంట్ సమావేశాలపై వివిధ అంశాలపై ఆసక్తికరమైన వ్యాఖ్యలు చేశారు. ఆయన మాట్లాడుతూ, ఈసారి పార్లమెంట్ సమావేశాలు అంతా ప్రోడక్టివిటీగా లేవని, అనేక సమస్యలు రాజకీయ చర్చల వల్ల పరిష్కారం కావడంలేదని పేర్కొన్నారు. “ఈ సారి జరిగిన పార్లమెంటు సమావేశాలపై నాకు వ్యక్తిగతంగా బాధ కలిగిందని, చాలా మంది ప్రజలు పార్లమెంటు సమావేశాలను వీక్షించడం తగ్గించేస్తున్నారని అభిప్రాయం వ్యక్తం చేశారు. ఇంతటి ప్రాముఖ్యత గల చర్చలు జరగుతున్నా కూడా, అవి ప్రజల అభిప్రాయాలను అంగీకరించడంలో నిరుత్సాహానికి కారణమవుతున్నాయని ఆయన భావించారు.

MP Sri Bharat Comments..

మరోవైపు ఏపీలో విశాఖ స్టీల్ ప్లాంట్‌కు సంబంధించి శ్రీభరత్(Sri Bharat) కీలక వ్యాఖ్యలు చేశారు. విశాఖ స్టీల్ ప్లాంట్‌ను రివైవల్ చేయడానికి కేంద్ర ఆర్థిక శాఖ మంత్రి 1650 కోట్ల రూపాయల నిధులను కేటాయించారు. ఈ నిధులు స్టీల్ ప్లాంట్ ఉత్పత్తి కార్యక్రమాలకు సరిపోతున్నప్పటికీ, ఉద్యోగుల జీతాల కోసం మాత్రం తగినంత సరిపోవడం లేదన్నారు. స్టీల్ ప్లాంట్‌కు మరింత నిధులు కేటాయించడం, ముఖ్యంగా ఉద్యోగుల జీతాలు, మూడో బ్లాస్ ఫర్నేస్‌కు పెట్టుబడులు వెచ్చించడంపై ఆర్థిక శాఖ మంత్రి దృష్టి సారించాలని కోరారు. దీనిపై త్వరగా రివైవల్ ప్యాకేజీని ప్రకటించాలని కోరుతున్నట్లు ఎంపీ శ్రీభరత్ తెలిపారు. ఈ క్రమంలో విశాఖ స్టీల్ ప్లాంట్ కోసం రివైవల్ ప్యాకేజీ త్వరగా ప్రకటించాల్సిన అవసరాన్ని ఆయన ఈ సందర్భంగా వెల్లడించారు. “ప్యాకేజీ వస్తే, ఉద్యోగులకు జీతాలు ఇవ్వడమే కాకుండా, స్టీల్ ప్లాంట్‌కు సంబంధించిన మరిన్ని మెరుగుదలలు సాధించడం సాధ్యం అవుతుందన్నారు. ప్యాకేజీ అమలు చేస్తే ఉత్పత్తి, ఉద్యోగుల ప్రగతి, ప్రాంతీయ ఆర్థిక అభివృద్ధికి కీలకంగా మారుతుందని ఆశిస్తున్నట్లు భరత్ చెప్పారు. ఈ వ్యాఖ్యలతో విశాఖ స్టీల్ ప్లాంట్ అంశం మళ్లీ చర్చానీయాంశంగా మారింది.

Also Read : Congo Incident : దక్షిణాఫ్రికా కాంగోలో పడవ బోల్తా పడి 38 మంది దుర్మరణం