Naga Shaurya Anusha Shetty : ఒక్క‌టైన నాగ శౌర్య అనూషా శెట్టి
అనుష్క శెట్టితో గ్రాండ్ గా వివాహం
Naga Shaurya Anusha Shetty : టాలీవుడ్ న‌టుడు నాగ శౌర్య ఇంటి వాడ‌య్యాడు. ఆదివారం బెంగ‌ళూరు వేదిక‌గా ప్ర‌ముఖ పారిశ్రామిక‌వేత్త కూతురైన అనూష శెట్టితో(Naga Shaurya Anusha Shetty) పెళ్లి జ‌రిగింది. ఈ ఇద్ద‌రికి చెందిన ఫోటోలు, వీడియోలు నెట్టింట్లో వైర‌ల్ గా మారాయి.
ఆక‌ట్టుకునే సంప్ర‌దాయ వ‌స్త్ర‌ధార‌ణ‌లో ఈ ఇద్ద‌రూ మెరిసి పోయారు. క‌నుల విందు చేశారు. 10న మెహెందీ, కాక్ టెయిల్ పార్టీతో ప్రీ వెడ్డింగ్ ఈవెంట్ లు జ‌రిగాయి.
ఇవ‌న్నీ బెంగ‌ళూరులోనే జ‌ర‌గ‌డం విశేషం. ఈ వేడుక‌లో నాగ శౌర్య నీలి రంగు కుర్తాతో న‌లుపు రంగు ప‌టియాలా, మ్యాచింగ్ చెప్పుల‌తో అందంగా క‌నిపించాడు. పెళ్లి కూతురు అనూషా శెట్టి నారింజ, ఆకుప‌చ్చ, పింక్ షేడ్స్ తో పాస్టెల్, పూల, ఎంబ్రాయిడ‌రీ లెహంగాలో క‌నిపించి మురిపించింది.
బెంగ‌ళూరులోని జేడ‌బ్ల్యూ మారియ‌ట్ హోట‌ల్ లో ప్రీ వెడ్డింగ్, వివాహ వేడుక‌లు ఘ‌నంగా జ‌రిగాయి. ఇరు కుటుంబాల‌కు చెందిన బంధువులతో పాటు సినీ రంగానికి చెందిన ప్ర‌ముఖులు కూడా వీరి పెళ్లికి హాజ‌ర‌య్యారు.
ఇక నాగ శౌర్య ప్ర‌స్తుతం త‌న 24వ ప్రాజెక్టులో ప‌ని చేస్తున్నారు. ఎన్ఎస్ 24 అని పేరు పెట్టారు. ఈ చిత్రానికి ఎస్ఎస్ అరుణా చ‌లం ద‌ర్శ‌క‌త్వం వ‌హిస్తున్నాడు. వైష్ణ‌వి ఫిలిమ్స్ పతాకంపై చింత‌ల‌పూడి శ్రీ‌నివాస‌రావు, విజ‌య్ కుమార్ , డాక్ట‌ర్ అశోక్ కుమార్ నిర్మిస్తున్నారు.
యాక్ష‌న్ ఎంట‌ర్ టైన‌ర్ గా ఈ చిత్రం రూపుదిద్దుకుంటోంది. ప్ర‌ముఖ ద‌ర్శ‌కుడు వి వి వినాయ‌క్ ఈ చిత్రానికి క్లాప్ కొట్టారు. అంత‌కు ముందు నాగ శౌర్య న‌టించిన వ‌రుడు కావ‌లెను మూవీ పేరు తీసుకు వ‌చ్చేలా చేసింది.
Also Read : య‌శోద విజ‌యం స‌మంత సంతోషం