Smriti Mandhana Kohli : ప్లీజ్ కోహ్లీతో పోల్చ‌కండి – మంధాన

Smriti Mandhana Kohli : ముంబై స్టార్ మ‌హిళా క్రికెట‌ర్ , డ‌బ్ల్యూపీఎల్ లో అత్య‌ధిక ధ‌ర‌కు అమ్ముడు పోయిన ఆర్సీబీ మ‌హిళా జ‌ట్టు కెప్టెన్ స్మృతీ మంధాన సంచ‌ల‌న కామెంట్స్ చేశారు. ఆమెను ప‌దే ప‌దే విరాట్ కోహ్లీతో పోల్చ‌డాన్ని తీవ్రంగా త‌ప్పు ప‌ట్టారు. తాను సాధించింది చాలా త‌క్కువ‌ని పేర్కొన్నారు. ఆదివారం రిచ్ లీగ్ లో భాగంగా మంధాన సార‌థ్యంలోని రాయ‌ల్ ఛాలెంజ‌ర్స్ బెంగ‌ళూరు , మెక్ లానింగ్ నాయ‌క‌త్వంలోని ఢిల్లీ క్యాపిటిల్స్ జ‌ట్టుతో ఢీకొన‌నుంది.

టోర్నీలో మ్యాచ్ కంటే ముందు ఆదివారం ఆమె మీడియాతో మాట్లాడారు. మీరు విరాట్ కోహ్లీ ఒకే జెర్సీ ధ‌రించాల‌ని , ఇద్ద‌రికీ ఒకే నెంబ‌ర్ 18 ఉంద‌ని మీరు ఎలా ఫీల్ అవుతున్నారంటూ మీడియా ప్ర‌శ్నించింది. దీనికి షాకింగ్ ఆన్స‌ర్ ఇచ్చింది ఈ ముద్దుగుమ్మ‌. కోహ్లీ స‌ముద్రం లాంటి వాడ‌ని తాను చిన్న నీటి బిందువున‌ని చెప్పింది. అంతే కాదు మ‌హా వృక్ష‌మంత స్థాయికి ఎదిగిన స్టార్ క్రికెట‌ర్ విరాట్ కోహ్లీ (Smriti Mandhana Kohli) నుంచి తాను ఇంకా నేర్చుకుంటున్నాన‌ని స్ప‌ష్టం చేసింది.

ద‌య‌చేసి ఇక నుంచి దిగ్గ‌జ క్రికెట‌ర్ తో త‌న‌ను పోల్చ‌వ‌ద్ద‌ని కోరింది మీడియాను. ఇలాంటి పోలిక‌లు త‌న‌కు న‌చ్చ‌వ‌ని ఖ‌రాఖండిగా పేర్కొంది. ఎందుకంటే పోలిక‌లు అనేవి ఎవ‌రికి వారు పెట్టుకున్న‌వి. నేను ఇంకా ప్రాథ‌మిక ద‌శ‌లోనే ఉన్నాన‌ని చెప్పింది స్మృతీ మంధాన‌(Smriti Mandhana). ఐపీఎల్ వేలం పాట‌లో అత్య‌ధిక ధ‌ర‌కు అమ్ముడు పోయినంత మాత్రాన తాను గొప్ప క్రికెట‌ర్ ను కాద‌ని పేర్కొంది. ఒక్కోసారి ఒక్కో ప్లేయ‌ర్ కు ఇలాంటి అవ‌కాశం త‌లుపు త‌డుతుంద‌న్నారు.

Also Read : స్మృతీ మంధాన స‌త్తా చాటేనా