PM Narendra Modi: ఏపీలో పర్యటించనున్న ప్రధాని మోదీ !

PM Narendra Modi: రానున్న ఎన్నికల కోసం టీడీపీ, జనసేన, బీజేపీల పొత్తు ఖరారు కావడంతో… ప్రధాని నరేంద్ర మోదీ(PM Narendra Modi) ఏపీలో పర్యటించనున్నారు. ఈ నెల 15,17వ తేదీల్లో ప్రధాని నరేంద్ర మోదీ ఏపీలో పర్యటించనున్నట్లు సమాచారం. ఈ నెల 15న విశాఖ వేదికగా పలు అభివృద్ధి, సంక్షేమ కార్యక్రమాలను ప్రారంభించనున్న ప్రధాని మోదీ… అదే రోజు నగరంలో రోడ్ షోలో పాల్గొంటారు. దీనితో మార్చి 15న విశాఖ వేదికగా ఎన్నికల సమర శంఖం పూరించడానికి ప్రధాని మోదీ సిద్ధమైనట్లు తెలుస్తోంది. అలాగే ఈ నెల 17న చిలకలూరిపేటలో టీడీపీ, జనసేన, బీజేపీల ఉమ్మడి బహిరంగ సభ ఏర్పాటు చేసారు. గతంలో టీడీపీ, జనసేన తమ ఉమ్మడి మేనిఫెస్టోను ప్రకటించడానికి ఈ సమావేశాన్ని ఏర్పాటు చేసింది. అయితే రెండు రోజుల క్రితం బీజేపీతో ఈ రెండు పార్టీలో పొత్తుపెట్టుకోవడంతో… ఈ సమావేశంలో బీజేపీ శ్రేణులు కూడా పాల్గొంటున్నాయి. ఈ నేపథ్యంలో ప్రధాని మోదీ… ఈ సమావేశానికి ముఖ్య అతిధిగా పాల్గొంటారు.

PM Narendra Modi Visit

2014 సార్వత్రిక ఎన్నికల్లో ఎన్డీఏ కూటమిలో భాగస్వామ్య పార్టీలైన బీజేపీ, టీడీపీ, జనసేన పార్టీలో సుమారు 10 సంవత్సరాలు తరువాత మరల పొత్తు పెట్టుకున్నాయి. ఈ నేపథ్యంలో ఈ మూడు పార్టీలు కలిసి ఈ నెల 17న చిలకలూరిపేట వేదికగా ఉమ్మడి బహిరంగ సభ ఏర్పాటు చేసి… తమ మేనిఫెస్టోను విడుదల చేయనున్నట్లు సమాచారం. ఈ సమావేశాన్ని గతంలో ఎన్నడూ లేని విధంగా సుమారు పది లక్షల మందితో నిర్వహించడానికి ఆయా పార్టీలు కసరత్తులు చేస్తున్నాయి.

Also Read : Gajendra Singh Shekhawat: ముగిసిన టీడీపీ, జనసేన, బీజేపీ నాయకుల కీలక భేటీ !