Rashami Desai Rahul : ర‌ష్మి దేశాయ్..ఆకాంక్ష పూరి వైర‌ల్
రాహుల్ గాంధీతో క‌లిసి పాద‌యాత్ర‌లో
Rashami Desai Rahul : దేశానికి ద్వేషం కాదు కావాల్సింది స్నేహం అంటూ భార‌త్ జోడో యాత్ర చేప‌ట్టిన రాహుల్ గాంధీకి అన్ని వ‌ర్గాల నుంచి మ‌ద్ద‌తు ల‌భిస్తోంది. సోమ‌వారం ఆయ‌న గుజ‌రాత్ రాష్ట్రంలో ఆదివాసీల‌ను ఉద్దేశించి ప్ర‌సంగించారు. ఆదివాసీలు మూల వాసులంటూ కొనియాడారు.
అంత‌కు ముందు మ‌హారాష్ట్ర‌లో చేప‌ట్టిన పాద‌యాత్ర‌లో ఆస‌క్తిక‌ర స‌న్నివేశం చోటు చేసుకుంది. ప్ర‌ముఖ బుల్లితెర న‌టులు ర‌ష్మి దేశాయ్ , ఆకాంక్ష పూరి రాహుల్ గాంధీ(Rashami Desai Rahul) యాత్ర చేప‌ట్టిన యాత్ర‌లో పాల్గొన్నారు. ఆ ఇద్ద‌రూ రాహుల్ గాంధీ చేతుల్లో చేయి వేసి అడుగులో అడుగులు వేశారు.
ఈ సంద‌ర్బంగా ర‌ష్మీ దేశాయ్ ట్విట్ట‌ర్ వేదిక‌గా చిత్రాల‌ను పంచుకున్నారు. త‌న జీవితంలో మ‌రిచి పోలేని స‌న్నివేశంగా పాద‌యాత్ర గుర్తుండి పోతుంద‌న్నారు. అత్యంత సామాన్య‌మైన వ్య‌క్తిగా రాహుల్ గాంధీ ఉన్నార‌ని కితాబు ఇచ్చారు. ఇలాంటి వారే దేశానికి కావాలని కోరారు.
మ‌రో వైపు ఆకాంక్ష పూరి కూడా పాద‌యాత్ర‌లో పాల్గొన‌డం సంతోషాన్ని వ్య‌క్తం చేశారు. ఈ యాత్ర వ‌ల్ల ప్ర‌జ‌ల్లో మార్పు వ‌స్తుంద‌న్న న‌మ్మ‌కం త‌న‌కు ఉంద‌న్నారు. కులాలు, ప్రాంతాలు, మ‌తాల‌కు అతీతంగా చేప‌ట్టిన భార‌త్ జోడో యాత్ర మ‌రింత కొన‌సాగాల‌ని కోరారు.
అంత‌కు ముందు న‌టులు పూజా భ‌ట్ , రితీష్ దేశ్ ముఖ్ , రియా సేన్ పాల్గొన్నారు. హైద‌రాబాద్ లో పూన‌మ్ కౌర్ రాహుల్ కు విన‌తిప‌త్రం స‌మ‌ర్పించారు. ప్ర‌స్తుతం ర‌ష్మి దేశాయ్ , ఆకాంక్ష పూరి ఫోటోలు వైర‌ల్ గా మారాయి.
ఇదిలా ఉండ‌గా త‌మిళ‌నాడు, కేర‌ళ, క‌ర్ణాట‌క, ఆంధ్ర ప్ర‌దేశ్ , తెలంగాణ, మ‌హారాష్ట్ర‌ల‌లో పాద‌యాత్ర పూర్త‌యింది.
Also Read : ఆదివాసీలు దేశానికి య‌జ‌మానులు – రాహుల్