RCB vs DC IPL 2023 : ఇక‌నైనా ఢిల్లీ బోణీ కొట్టేనా

RCB vs DC IPL 2023 : ఐపీఎల్ 16వ సీజ‌న్ లో భాగంగా కీల‌క‌మైన లీగ్ మ్యాచ్ శ‌నివారం జ‌ర‌గ‌నుంది. రాయ‌ల్ ఛాలెంజ‌ర్స్ బెంగళూరుతో ఢిల్లీ క్యాపిట‌ల్స్ త‌ల‌పడ‌నుంది. ఆసిస్ స్టార్ డేవిడ్ వార్న‌ర్ సార‌థ్యంలోని ఢిల్లీ క్యాపిట‌ల్స్(RCB vs DC IPL 2023) ఇప్ప‌టి దాకా 4 మ్యాచ్ లు ఆడింది. ఈ నాలుగింట్లోనూ ఓట‌మి మూట‌గ‌ట్టుకుంది. రిష‌బ్ పంత్ గాయం కార‌ణంగా తప్పుకోవ‌డంతో వార్నర్ కు మేనేజ్ మెంట్ నాయ‌క‌త్వ బాధ్య‌త‌లు అప్ప‌గించింది.

ఇక జ‌ట్టు ప‌రంగా చూస్తే ఈ జ‌ట్టుకు బీసీసీఐ మాజీ చీఫ్ సౌర‌వ్ గంగూలీ డైరెక్ట‌ర్ గా ఉన్నాడు. ఇప్ప‌టి దాకా జ‌రిగిన మ్యాచ్ ల‌లో ఒక్క డేవిడ్ వార్న‌ర్ త‌ప్ప ఏ ఒక్క‌రు ఆడిన పాపాన పోలేదు. ఇక ఆర్సీబీ విష‌యానికొస్తే ఆ జ‌ట్టు ఇప్ప‌టి దాకా మూడు మ్యాచ్ లు ఆడింది. రెండింట్లో ఓట‌మి పాలైంది. ఒకే ఒక్క మ్యాచ్ లో గెలుపొందింది.

ఇక పాయింట్ల ప‌ట్టిక‌లో రాజ‌స్తాన్ రాయ‌ల్స్ టాప్ లో కొన‌సాగుతోంది. మెరుగైన ర‌న్ రేట్ ఆ జ‌ట్టుకు అద‌న‌పు బ‌లంగా మారింది. ల‌క్నో సూప‌ర్ జెయంట్స్ రెండో స్థానంలో , గుజ‌రాత్ టైటాన్స్(GT) 3వ ప్లేస్ లో ఉన్నాయి. ఇవాళ జ‌రిగే లీగ్ మ్యాచ్ ఇరు జ‌ట్ల‌కు అత్యంత కీల‌కం. క‌నీసం ఐపీఎల్ టైటిల్ గెల‌వ‌క పోయినా క‌నీసం ఒక్క మ్యాచ్ అయినా గెలవాల‌ని ఢిల్లీ క్యాపిట‌ల్స్ ఫ్యాన్స్ కోరుతున్నారు. మ‌రి ఆ కోరిక నెర‌వేరుతుందా అన్న‌ది వేచి చూడాలి. మ్యాచ్ మ‌ధ్యాహ్నం 3.30 గంట‌ల‌కు జ‌రుగుతుంది.

Also Read : పోరాడి ఓడిన కోల్ క‌తా