RCB vs GT IPL 2023 : ప్లే ఆఫ్స్ నుంచి ఆర్సీబీ ఔట్

RCB vs GT IPL 2023 : ఐపీఎల్ 16వ సీజ‌న్ లో రాయ‌ల్ ఛాలెంజ‌ర్స్ బెంగ‌ళూరు(RCB) ప్లే ఆఫ్స్ నుంచి నిష్క్ర‌మించింది. బెంగ‌ళూరు వేదిక‌గా జ‌రిగిన కీల‌క మ్యాచ్ లో 6 వికెట్ల తేడాతో గుజ‌రాత్ టైటాన్స్(GT) గెలుపొందింది. ముందుగా బ్యాటింగ్ చేసిన ఆర్సీబీ నిర్ణీత 20 ఓవ‌ర్ల‌లో 5 వికెట్లు కోల్పోయి 197 ర‌న్స్ చేసింది. ర‌న్ మెషీన్ కింగ్ కోహ్లీ 101 ర‌న్స్ తో మెరిశాడు. ఈ టోర్నీలో కోహ్లీకి ఇది రెండో సెంచ‌రీ.

అనంత‌రం 198 ప‌రుగుల భారీ ల‌క్ష్యంతో బ‌రిలోకి దిగిన గుజ‌రాత్ టైటాన్స్ దుమ్ము రేపింది. ఇంకా 5 బంతులు మిగిలి ఉండ‌గానే ల‌క్ష్యాన్ని సునాయ‌సంగా ఛేదించింది. త‌న‌కు ఎదురే లేద‌ని చాటింది. ఓపెన‌ర్లు వృద్దిమాన్ సాహా 12 ప‌రుగులే చేసి నిరాశ ప‌రిచాడు. అనంత‌రం మ‌రోసారి స‌త్తా చాటాడు ఓపెన‌ర్ శుభ్ మ‌న్ గిల్ .

ధ‌నా ధ‌న్ ఇన్నింగ్స్ తో హోరెత్తించాడు. ఫోర్లు సిక్స‌ర్ల‌తో హోరెత్తించాడు. మ్యాచ్ చివ‌రి దాకా ఉన్నాడు. కేవ‌లం 52 బంతులు ఆడిన గిల్ 5 ఫోర్లు 8 సిక్స‌ర్లు కొట్టాడు. 104 ప‌రుగులతో సెంచ‌రీ చేశాడు. నాటౌట్ గా నిలిచాడు. ఈ సీజ‌న్ లో శుభ్ మ‌న్ గిల్ కు ఇది రెండో సెంచ‌రీ కావ‌డం విశేషం. విజ‌య్ శంక‌ర్ బెంగ‌ళూరు బౌల‌ర్ల‌ను ఉతికి ఆరేశాడు. 35 బంతులు ఎదుర్కొని 53 ర‌న్స్ చేశాడు. ఇందులో 7 ఫోర్లు 2 సిక్స‌ర్లు ఉన్నాయి.

Also Read : Anushka Sharma