#ReddigarintloRowdyism: రెడ్డిగారింట్లో రౌడీయిజం ఫ‌స్ట్ లుక్ పోస్ట‌ర్‌

Reddigarintlo Rowdyism : సినిమాల మీద ప్యాష‌న్‌తో ర‌మ‌ణ్ అనే యువ‌కుడు హీరోగా ప‌రిచ‌య‌మ‌వుతున్న చిత్రం ‘రెడ్డిగారింట్లో రౌడీయిజం’‌. సీనియ‌ర్ హీరో వినోద్ కుమార్ ఈ చిత్రంలో విల‌న్‌గా న‌టిస్తుండ‌టం విశేషం.

సిరి మూవీస్ బ్యాన‌ర్‌పై కె. శిరీషా ర‌మ‌ణారెడ్డి నిర్మిస్తున్న ఈ చిత్రానికి ఎం. ర‌మేష్‌-గోపి సంయుక్తంగా ద‌ర్శ‌క‌త్వం వ‌హిస్తున్నారు. కొరివి పిచ్చిరెడ్డి, స‌ర‌స్వ‌తి స‌మ‌ర్ప‌కులుగా వ్య‌వ‌హ‌రిస్తున్నారు. వ‌ర్ష విశ్వ‌నాథ్‌, ప్రియాంక‌, పావ‌ని, అంకిత హీరోయిన్లుగా న‌టిస్తున్నారు.

ఈ సినిమా ఫ‌స్ట్ లుక్ పోస్ట‌ర్‌ను  హీరో సుమన్ చేతుల మీదుగా విడుద‌ల చేయించింది చిత్ర బృందం. టైటిల్ ఆస‌క్తిక‌రంగా ఉంద‌నీ, సినిమా ప్రేక్ష‌కుల ఆద‌ర‌ణ పొందుతుంద‌ని ఆశిస్తున్నాన‌నీ సుమ‌న్ అన్నారు.

క‌మ‌ర్షియ‌ల్ యాక్ష‌న్ ఎంట‌ర్‌టైన‌ర్‌గా ‘రెడ్డిగారింట్లో రౌడీయిజం’ సినిమా రూపొందుతోంది!!