Rinku Singh : ఆ 2 ఆటగాళ్లు నాకు స్ఫూర్తి- రింకూ సింగ్

Rinku Singh : యూపీకి చెందిన కుర్రాడు రింకూ సింగ్ షాకింగ్(Rinku Singh) కామెంట్స్ చేశాడు. త‌న‌ను ఎక్కువ‌గా ప్ర‌భావితం చేసిన క్రికెట‌ర్ల‌లో ఇద్ద‌రే ఇద్ద‌ర‌ని పేర్కొన్నాడు. వారెవ‌రో కాదు మాజీ క్రికెట‌ర్లు సురేష్ రైనా, హ‌ర్భ‌జ‌న్ సింగ్ అని చెప్పాడు. చాలా మంది యువ క్రికెట‌ర్లు మ‌హేంద్ర సింగ్ ధోనీ, విరాట్ కోహ్లీ, స‌చిన్ టెండూల్క‌ర్ పేర్లు చెబుతారు. కానీ రింకూ సింగ్ అలాంటిది ఏమీ లేకుండానే కుండ బ‌ద్ద‌లు కొట్టాడు.

అత్యంత పేద‌రికం నుంచి వ‌చ్చిన ఈ కుర్రాడి గురించి ఎంత చెప్పినా త‌క్కువే. తండ్రి సిలిండ‌ర్లు ఇంటింటికీ వెళ్లి ఇచ్చే ప‌ని. త‌ను కూడా తండ్రికి సాయం చేశాడు. కానీ క్రికెట్ పై ఉన్న ఆస‌క్తి అత‌డిని హీరోగా మార్చేసింది. టాప్ హిట్ట‌ర్ గా త‌యార‌య్యేలా చేసింది. ఇండియ‌న్ ప్రిమీయ‌ర్ లీగ్ 2023లో మోస్ట్ పాపుల‌ర్ యంగ్ క్రికెట‌ర్ గా గుర్తింపు పొందాడు రింకూ సింగ్.

Rinku Singh in IPL

బాలీవుడ్ బాద్ షా షారుక్ ఖాన్ కు చెందిన కోల్ క‌తా నైట్ రైడ‌ర్స్ (కేకేఆర్) త‌ర‌పున ప్రాతినిధ్యం వ‌హిస్తున్నాడు. ఐపీఎల్ లో త‌న జ‌ట్టులో కీల‌క పాత్ర పోషించాడు. అద్భుత‌మైన ఆట తీరుతో ఆక‌ట్టుకున్నాడు. అత్య‌ధిక ప‌రుగుల క్రికెట‌ర్ల జాబితాలో నిలిచాడు.

తాజాగా రింకూ సింగ్ ను బీసీసీఐ ఆసియా క్రీడ‌ల్లో పాల్గొనే భార‌త క్రికెట్ జ‌ట్టుకు ఎంపిక చేసింది. సో నిన్ను ఇంప్రెస్ చేసిన ఆట‌గాళ్లు ఎవ‌రు అంటే ఠ‌కీమ‌ని రైనా, భ‌జ్జీ అని చెప్పేశాడు.

Also Read : TTD Donation : బ‌ర్డ్ ట్ర‌స్ట్ కు రూ. 10 ల‌క్ష‌ల విరాళం