RK Roja Pawan Kalyan : జ‌న‌సేన కాద‌ది చంద్ర‌సేన – రోజా

RK Roja Pawan Kalyan : ఏపీ రాష్ట్ర ప‌ర్యాట‌క శాఖ మంత్రి ఆర్కే రోజా సంచ‌ల‌న కామెంట్స్ చేశారు. ఆమె అటు ప‌వ‌న్ క‌ళ్యాణ్ ను ఇటు చంద్ర‌బాబు నాయుడిని ఏకి పారేశారు. అది జ‌న‌సేన పార్టీ కానే కాద‌న్నారు. ఎప్పుం ఏం మాట్లాడాలో తెలియ‌ని ప‌వ‌న్ క‌ళ్యాణ్ ఓ నాయ‌కుడే కాద‌న్నారు. ప్యాకేజీల కోసం ప్ర‌స్తుతం పాద‌యాత్ర పేరుతో ముందుకు వ‌స్తున్నాడ‌ని ఎద్దేవా చేశారు.

గ‌తంలో బీజేపీకి, టీడీపీ, బీఎస్పీ, వామ‌ప‌క్షాల‌తో క‌లిసి ప్ర‌చారం చేశాడ‌ని ఇప్పుడు ఎవ‌రికి మ‌ద్ద‌తు ఇవ్వాలో తెలియ‌ని ప‌రిస్థితిలో ఉన్నాడ‌ని అన్నారు. ఇదంతా కేవ‌లం ప్యాకేజీల కోసం మాత్ర‌మే న‌డుస్తున్న డ్రామాగా కొట్టి పారేశారు ఆర్కే రోజా(RK Roja).

అది జ‌న‌సేన పార్టీ కాద‌ని చంద్ర‌న్న సేన పార్టీ అని మండిప‌డ్డారు. చంద్ర‌బాబు నాయుడు, ప‌వ‌న్ క‌ళ్యాణ్ ఇద్ద‌రూ ఒక్క‌టేన‌ని ఈరోజు వ‌ర‌కు ఏపీకి ఏం చేయాల‌నే దానిపై క్లారిటీ ప‌వ‌న్ కు లేద‌న్నారు. సినిమాలు వేరు రాజ‌కీయాలు వేర‌ని రంగంలోకి దిగితే కానీ అస‌లు విష‌యం తెలియ‌ద‌న్నారు. జ‌న‌సేన పేరు తీసేసి క‌న్ఫ్యూజ‌న్ పార్టీ అని పెట్టుకుంటే బెట‌ర్ అని సూచించారు.

జ‌గ‌న్ మోహ‌న్ రెడ్డిని ఎదుర్కొనే ద‌మ్ము చంద్ర‌బాబుకు, ప‌వ‌న్ క‌ళ్యాణ్ కు లేద‌న్నారు. వార్డు మెంబ‌ర్ గా కూడా గెల‌వ‌లేని స్థితిలో ఉన్న నారా లోకేష్ గురించి ఎంత త‌క్కువ మాట్లాడితే అంత మంచిద‌న్నారు మంత్రి ఆర్కే రోజా(RK Roja). చంద్ర‌సేన‌కు సైనికుడిగా ఉండేందుకు ప‌వ‌న్ క‌ళ్యాణ్ ఉబ‌లాట ప‌డుతున్నారంటూ ఫైర్ అయ్యారు. జ‌గ‌న్ కు లోకేష్ కు పోలిక ఏంటి అని ప్ర‌శ్నించారు.

Also Read : జ‌న‌సేనానిపై ఆర్జీవీ సెటైర్