Sangakara Samson : శాంసన్ టార్చ్ బేర‌ర్ మ్యాచ్ విన్న‌ర్

Sangakara Samson : రాజ‌స్థాన్ రాయ‌ల్స్ డైరెక్ట‌ర్ , దిగ్గ‌జ మాజీ క్రికెట‌ర్ కుమార సంగ‌క్క‌ర (Sangakara Samson)ఆస‌క్తిక‌ర వ్యాఖ్య‌లు చేశాడు. ఈనెల 26 నుంచి ముంబై వేదిక‌గా ఐపీఎల్ సంబురం ప్రారంభం కానుంది.

స్టార్ హిట్ట‌ర్ గా పేరొందిన సంజూ శాంస‌న్ ఇప్పుడు ఐపీఎల్ పై ఫోక‌స్ పెట్టాడు. నెట్ ప్రాక్టీస్ లో విస్తృతంగా నిమ‌గ్నం అయ్యాడు. ఆట‌గాడిగా దుబాయిలో జ‌రిగిన ఐపీఎల్ 14 వ సీజ‌న్ లో స‌త్తా చాటినా కెప్టెన్ గా స‌క్సెస్ కాలేక పోయాడు.

అయినా తిరిగి రాజ‌స్థాన్ రాయ‌ల్స్ మేనేజ్ మెంట్ అత‌డిని రీటైన్ చేసుకుంది. భారీ ఎత్తున ధ‌ర చెల్లించింది కెప్టెన్ గా కొనసాగుతాడ‌ని స్ప‌ష్టం చేసింది. ఈ త‌రుణంలో ఆ జ‌ట్టుకు అన్నీ తానై వ్య‌వ‌హ‌రిస్తున్న కుమార సంగ‌క్క‌ర (Sangakara Samson)ఇవాళ మీడియాతో మాట్లాడాడు.

సంజూ శాంస‌న్ ను ఆకాశానికి ఎత్తేశాడు. ప్ర‌స్తుత టీ20 అత్యుత్త‌మ ప్లేయ‌ర్ల‌లో సంజూ ఒక‌డ‌ని పేర్కొన్నాడు. శాంస‌న్ విధ్వంస‌క‌ర‌మైన ఆట‌గాడ‌ని తెలిపాడు.

త‌న బ్యాటింగ్ తో మ్యాచ్ స్వ‌రూపాన్ని మార్చ గ‌లిగే స‌త్తా ఉన్నోడ‌ని స్ప‌ష్టం చేశాడు సంగ‌క్క‌ర‌. రాజ‌స్థాన్ రాయ‌ల్స్ కే కాదు భార‌త జ‌ట్టుకు అత‌డు ఓ టార్చ్ బేరర్ లాంటి వాడ‌ని కితాబు ఇచ్చాడు.

త‌న అసాధార‌ణ బ్యాటింగ్ తో విన్న‌ర్ గా నిలుస్తాడ‌ని అన్నాడు. సంజూ శాంస‌న్ కు రాజస్థాన్ రాయ‌ల్స్ అంటే విప‌రీత‌మైన ఇష్టం. త‌న ఐపీఎల్ కెరీర్ ను ఈ జ‌ట్టుతోనే స్టార్ట్ చేశాడు.

కెప్టెన్ గా కూడా ప్ర‌తిభా పాటవాలు ఉన్నాయ‌ని తెలిపాడు సంగ‌క్క‌ర‌. ఈ ఏడాడి జ‌రిగే టీ20 వ‌ర‌ల్డ్ క‌ప్ లో శాంస‌న్ కు చోటు ద‌క్క‌డం ఖాయ‌మ‌న్నాడు.

Also Read : పంజాబ్ తో విడ‌దీయ‌లేని బంధం