Sanju Samson Rajinikanth : త‌లైవా శాంస‌న్ వైర‌ల్
మోస్ట్ పాపుల‌ర్ స్టార్ క్రికెట‌ర్
Sanju Samson Rajinikanth : భార‌తీయ సినిమా రంగంలో మోస్ట్ పాపుల‌ర్ హీరోగా గుర్తింపు పొందారు కోట్లాది మంది ప్రేమ‌గా పిలుచుకునే ర‌జ‌నీకాంత్ అలియాస్ త‌లైవా. ఆయ‌న‌కు క్రికెట్ అంటే వ‌ల్ల‌మాలిన అభిమానం. అంతే కాదు ఎక్క‌డైనా మ్యాచ్ లు జ‌రిగితే ఫ్యామిలీతో క‌లిసి వెళ‌తారు. ఇదే స‌మ‌యంలో క్రికెట‌ర్ల‌కు సైతం త‌లైవా అంటే పంచ ప్రాణం. ఇక ఇండియ‌న్ క్రికెట్ చ‌రిత్ర‌లో స్టార్ హిట్ట‌ర్ క్రికెట‌ర్ గా గుర్తింపు పొందారు సంజూ శాంస‌న్.
ఇక ఈ స్టార్ క్రికెట‌ర్ కు చిన్న‌ప్ప‌టి నుంచి ర‌జ‌నీకాంత్ అంటే చ‌చ్చేంత ఇష్టం. ప్ర‌స్తుతం సంజూ శాంస‌న్ రాజ‌స్థాన్ రాయ‌ల్స్ జ‌ట్టుకు స్కిప్ప‌ర్ గా ఉన్నాడు. ఏ అవ‌కాశం చిక్కినా ర‌జ‌నీకాంత్ ను(Rajinikanth) క‌లుసుకుంటాడు సంజూ శాంస‌న్. ఇటీవ‌ల త‌లైవాను ప్ర‌త్యేకంగా త‌న నివాసంలో క‌లిశాడు. త‌న ఆనందాన్ని వ్య‌క్తం చేశాడు సంజూ శాంస‌న్. ఈ సంద‌ర్భంగా ర‌జ‌నీకాంత్ సంజూ శాంస‌న్ కు శాలువా క‌ప్పి స‌న్మానించాడు.
ఈ విష‌యాన్ని సామాజిక మాధ్య‌మాల‌లో షేర్ చేసుకున్నాడు స్టార్ క్రికెట‌ర్. త‌న అభిమాన న‌టుడిని క‌లుసు కోవ‌డం చెప్ప‌లేని సంతోషంగా ఉంద‌న్నాడు సంజూ శాంస‌న్. ప్ర‌స్తుతం ర‌జ‌నీ – సంజూ(Sanju Samson Rajinikanth) ఫోటోలు వైర‌ల్ గా మారాయి.
ఏడు సంవ‌త్స‌రాల స‌మ‌యంలో త‌లైవాను క‌ల‌వాల‌ని కోరిక. ఇదే విష‌యాన్ని త‌న త‌ల్లితో పంచుకున్నాన‌ని, ఏదో ఒక రోజు క‌లుసుకుంటాన‌ని చెప్పాన‌ని అది తీరింద‌ని రాసుకు వ‌చ్చాడు సంజూ శాంస‌న్. త‌లైవా స్వ‌యంగా త‌న‌ను ఇంటికి రావాల‌ని చెప్పార‌ని ఇంత‌క‌న్నా అదృష్టం ఇంకేముంటుంద‌ని పేర్కొన్నాడు.
Also Read : క్రికెట్ ఫార్మాట్ లో మార్పులు అవ‌స‌రం