Shubhman Gill Record : శుభ్ మ‌న్ గిల్ క‌మాల్

Shubhman Gill Record : భార‌త యువ క్రికెట‌ర్ శుభ్ మ‌న్ గిల్ దుమ్ము రేపుతున్నాడు. స్వ‌దేశంలో సెంచ‌రీల‌తో క‌దం తొక్కాడు. వ‌న్డే సీరీస్ లో సెంచ‌రీల మోత మోగించిన శుభ్ మ‌న్ గిల్ టీ20 సీరీస్ లో కూడా 63 బంతుల్లోనే 126 ర‌న్స్ చేసి ఔరా అనిపించేలా చేశాడు. ఇందులో 12 ఫోర్లు 7 భారీ సిక్స‌ర్లు ఉన్నాయి.

అద్భుత‌మైన రికార్డును త‌న పేరు మీద న‌మోదు చేశసుకున్నాడు గిల్. ఇక భార‌త జ‌ట్టులో పొట్టి ఫార్మాట్ లో అత్య‌ధిక వ్య‌క్తిగ‌త స్కోర్ చేసిన క్రికెట‌ర్ కూడా అత‌డే కావ‌డం విశేషం. అహ్మ‌దాబాద్ లోని మోదీ స్టేడియం వేదిక‌గా జ‌రిగిన మూడో టీ20 మ్యాచ్ లో న్యూజిలాండ్ బౌల‌ర్ల‌కు చుక్క‌లు చూపించాడు.

ఆకాశ‌మే హ‌ద్దుగా చెల‌రేగ‌డంతో బెంబేలెత్తి పోయారు ప్ర‌త్య‌ర్థి ఆట‌గాళ్లు. ఒకానొక ద‌శ‌లో 300 స్కోర్ దాటుతుంద‌ని భావించారు. శుభ్ మ‌న్ గిల్ క‌దం తొక్క‌డంతో గ‌తంలో న‌మోదైన రికార్డులు(Shubhman Gill Record) తుడిచిపెట్టుకు పోయాయి. స్పీడ్ గ‌న్ గా పేరొందిన భార‌త జ‌ట్టు మాజీ కెప్టెన్ విరాట్ కోహ్లీ, స్టార్ మాజీ హిట్ట‌ర్ సురేష్ రైనా గ‌తంలో సెంచ‌రీలతో ఆక‌ట్టుకున్నారు.

తాజాగా శుభ్ మ‌న్ గిల్ ఆ ఇద్ద‌రి ఆట‌గాళ్ల పేరు మీద ఉన్న రికార్డును అధిగమించాడు. గ‌తంలో పొట్టి ఫార్మాట్ లో కోహ్లీ, రైనాతో పాటు ప్ర‌స్తుత భార‌త జ‌ట్టు కెప్టెన్ రోహిత్ శ‌ర్మ‌, కేఎల్ రాహుల్ కూడా సెంచ‌రీ చేసిన జాబితాలో ఉన్నారు. ఆఫ్గ‌నిస్తాన్ తో జ‌రిగిన మ్యాచ్ లో కోహ్లీ 122 ర‌న్స్ చేశాడు. ఇదే అత్య‌ధిక వ్య‌క్తిగ‌త స్కోర్. దీనిని ఇప్పుడు శుభ్ మ‌న్ గిల్ కీవీస్ తో సాధించాడు..రికార్డును బ్రేక్ చేశాడు.

Also Read : క్రీడా రంగానికి రూ. 3,397 కోట్లు