Smriti Mandhana Viral : స్మృతి మంధాన అందంలో థిల్లాన

Smriti Mandhana Viral : మ‌రోసారి హాట్ టాపిక్ గా మారారు భార‌తీయ మ‌హిళా క్రికెట‌ర్ స్మృతీ మంధాన‌. ఆట లోనే కాదు అందంలో సైతం టాప్ లో నిలిచింది. దీంతో ప్ర‌పంచ వ్యాప్తంగా క్రికెట్ అభిమానులు ఆమెను క్రికెట‌ర్ గా కంటే సినీ న‌టిగా అయితే బావుంటుందంటూ కామెంట్స్ చేస్తున్నారు. సోష‌ల్ మీడియాను హోరెత్తిస్తున్నారు. తాజాగా ముంబైలో మ‌హిళా ఐపీఎల్ వేలం పాట జ‌రిగింది.

మ‌ల్లికా సాగ‌ర్ నిర్వ‌హించిన వేలం పాటలో మొత్తం 409 ఆట‌గాళ్ల‌ను ప‌రిగ‌ణ‌లోకి తీసుకున్నారు. వీరిలో అత్య‌ధికంగా ధ‌ర‌కు అమ్ముడు పోయింది స్మృతీ మంధాన‌. రాయ‌ల్ ఛాలెంజ‌ర్స్ బెంగ‌ళూరు ఏకంగా మంధాన‌ను రూ. 3.40 కోట్ల‌కు తీసుకుంది. ఇది మ‌హిళా క్రికెట్ చ‌రిత్ర‌లో ఓ రికార్డ్.

ట్విట్ట‌ర్ లో స్మృతీ మంధాన(Smriti Mandhana Viral) ట్రెండింగ్ లో నిలిచారు. అంతే కాదు పాకిస్తాన్ క్రికెట‌ర్ల కంటే ఎక్కువ వేత‌నం పొందుతుండ‌డం గ‌మ‌నార్హం. ఆస్ట్రేలియాలో జ‌రిగిన మ‌హిళ‌ల టీ20 వ‌ర‌ల్డ్ క‌ప్ నుండి ఆమె నేష‌న‌ల్ క్ర‌ష్ గా మారి పోయారు. జూలై 18, 1996లో పుట్టారు మంధాన‌. 2018లో బీసీసీఐ ఉత్త‌మ మ‌హిళా ఇంట‌ర్నేష‌న‌ల్ క్రికెటర్ గా ఎంపిక చేసింది. ఐసీసీ రాచెల్ ప్లింట్ పుర‌స్కారం అంద‌జేసింది. వ‌న్డే ప్లేయ‌ర్ ఆఫ్ ది ఇయ‌ర్ గా ఎంపికైంది.

ఆమె స్వ‌స్థ‌లం ముంబై. 9 ఏళ్ల‌ప్పుడే అండ‌ర్ -15 కు ఎంపికైంది. 11 ఏళ్ల వ‌య‌స్సులో అండ‌ర్ 19 జ‌ట్టుకు ఆడింది. స్మృతి మంధాన ఆగ‌స్టు 2014లో ఇంగ్లండ్ పై టెస్టులో అరంగేట్రం చేసింది. 2017లో మ‌హిళా వ‌ర‌ల్డ్ క‌ప్ ఫైన‌ల్ కు చేరిన జ‌ట్టులో ఉంది. 2019లో మ‌హిళా టి20 లో 24 బంతుల్లో వేగంగా హాఫ్ సెంచ‌రీ చేసింది.

Also Read : పాక్ క్రికెట‌ర్ల కంటే మ‌నోళ్ల‌కే ఎక్కువ