SS Rajamouli Spielberg : జ‌క్క‌న్న‌తో స్పిల్ బ‌ర్గ్ ముచ్చ‌ట

SS Rajamouli Spielberg : ద‌ర్శ‌క ధీరుడిగా గుర్తింపు పొందారు ఎస్ఎస్ రాజమౌళి. ఆయ‌న బాహుబ‌లి భార‌తీయ చ‌ల‌న చిత్ర రంగాన్ని షేక్ చేసింది. ఆ త‌ర్వాత మ‌న‌సు పెట్టి విడుద‌ల చేసిన ర‌ణం. రౌద్రం. రుధిరం (ఆర్ఆర్ఆర్) చిత్రం ప్ర‌పంచాన్ని విస్తు పోయేలా చేసింది. పాన్ ఇండియాగా రిలీజ్ అయిన ఈ చిత్రం విచిత్రమైన రీతిలో దుమ్ము రేపింది. బాక్సాఫీసులు బ‌ద్ద‌లు కొట్టింది. మ‌రో వైపు క్రియేటివ్ డైరెక్ట‌ర్ ప్ర‌శాంత్ నీల్ ద‌ర్శ‌క‌త్వం వ‌హించిన కేజీఎఫ్ సూప‌ర్ టాక్ తెచ్చుకుంది. అది కూడా వ‌ర‌ల్డ్ వైడ్ గా ఆద‌ర‌ణ చూర‌గొంది.

ఇదే స‌మ‌యంలో ఎస్ఎస్ రాజ‌మౌళి ఆర్ఆర్ఆర్ కు హాలీవుడ్ ఫిదా అయ్యింది. ప్ర‌పంచ వ్యాప్తంగా మూవీ టేకింగ్, మ్యూజిక్, సాంగ్స్ , డ్యాన్స్, న‌ట‌న , గ్రాఫిక్స్ , టెక్నాల‌జీ వాడుకున్న తీరు ఆక‌ట్టుకునేలా చేసింది. ఇప్ప‌టికే ద‌ర్శ‌క ధీరులు డైరెక్ట‌ర్ ను ఆకాశానికి ఎత్తేశారు.

ఇదే స‌మ‌యంలో యావ‌త్ ప్ర‌పంచాన్ని త‌న చిత్రాలతో విస్తు పోయేలా చేసిన మోస్ట్ పాపుల‌ర్ డైరెక్ట‌ర్ కామెరూన్ సైతం జ‌క్క‌న్నను క‌లిసి అభినందించారు. తాను ఒక‌సారి త‌న భార్య‌తో క‌లిసి మ‌రోసారి ఆర్ఆర్ఆర్ మూవీ చూశాన‌ని స్వ‌యంగా వెల్ల‌డించారు. ఈ విష‌యాన్ని జక్క‌న్న ట్విట్ట‌ర్ వేదిక‌గా పంచుకున్నారు.

తాజాగా మ‌రో హాలీవుడ్ డైరెక్ట‌ర్ స్పిల్ బ‌ర్గ్ తో జ‌క్క‌న్న (SS Rajamouli Spielberg)  లైవ్ చాట్ లో సంభాషించారు. ప‌లు అంశాల‌పై పంచుకున్నారు. ఈసంద‌ర్భంగా ఆర్ఆర్ఆర్ చిత్రం బావుందంటూ ప్ర‌శంసించారు రాజ‌మౌళిని. దాంతో జ‌క్క‌న్న ఆనందానికి అవ‌ధులు లేకుండా పోయింది.

ఇదిలా ఉండ‌గా ప్ర‌తిష్టాత్మ‌కమైన గోల్డెన్ గ్లోబ్ అవార్డుల్లో నాటు నాటు సాంగ్ పుర‌స్కారాన్ని సొంతం చేసుకుంది. త్వ‌ర‌లోనే సంగీత ద‌ర్శ‌కుడు ఎంఎం కీర‌వాణి లైవ్ గా ప్ర‌ద‌ర్శించ‌నున్నారు. ప్ర‌స్తుతం జ‌క్క‌న్న , స్పీల్ బ‌ర్గ్ ఫోటోలు వైర‌ల్ గా మారాయి.

Also Read : మ‌హీంద్రా..కేటీఆర్ కు చెర్రీ థ్యాంక్స్