SRH vs GT IPL 2022 : గుజ‌రాత్ కు షాక్ హైద‌రాబాద్ విక్ట‌రీ

SRH vs GT : ఐపీఎల్ -2022లో భాగంగా ముంబై వేదిక‌గా జ‌రిగిన లీగ్ మ్యాచ్ లో స‌న్ రైజ‌ర్స్ హైద‌రాబాద్(SRH vs GT) ఘ‌న విజ‌యాన్ని న‌మోదు చేసింది. గుజ‌రాత్ టైటాన్స్ తో జ‌రిగిన మ్యాచ్ లో ఏకంగా 8 వికెట్ల తేడాతో గెలుపొందింది.

163 ప‌రుగుల ల‌క్ష్యంతో బ‌రిలోకి దిగిన హైద‌రాబాద్ కేవ‌లం 2 వికెట్లు మాత్ర‌మే కోల్పోయి స‌క్సెస్ బాట ప‌ట్టింది. ఇక స‌న్ రైజ‌ర్స్ హైద‌రాబాద్ కెప్టెన్ కేన్ విలియ‌మ్స‌న్ 57 ప‌రుగులతో రాణించ‌గా అభిషేక్ శ‌ర్మ 42 ప‌రుగుల‌తో, నికోల‌స్ పూర్ 34 ర‌న్స్ తో స‌త్తా చాటారు.

ఈ ముగ్గురు కీల‌క‌మైన ఇన్నింగ్స్ ఆడుతూ జ‌ట్టు విజ‌యంలో కీల‌క పాత్ర పోషించారు. ఇక గుజ‌రాత్ టైటాన్స్ (SRH vs GT)బౌల‌ర్ల‌లో ఆఫ్గ‌నిస్తాన్ స్టార్ బౌల‌ర్ ర‌షీద్ ఖాన్ , కెప్టెన్ హార్దిక్ పాండ్యా చెరో వికెట్ సాధించారు.

ఇక మ్యాచ్ విష‌యానికి వ‌స్తే స‌న్ రైజర్స్ స్కిప్ప‌ర్ కేన్ విలియ‌మ్స‌న్ టాస్ గెలిచి ముందుగా ఫీల్డింగ్ ఎంచుకున్నాడు. దీంతో నిర్ణీత 20 ఓవ‌ర్ల‌లో గుజ‌రాత్ టైటాన్స్ 7 వికెట్లు కోల్ప‌యి 162 ప‌రుగులు చేసింది.

ఇక గుజ‌రాత్ జ‌ట్టులో కెప్టెన్ హార్దిక్ పాండ్యా హాఫ్ సెంచ‌రీతి మెరిస్తే అభిన‌వ్ మ‌నోహ‌ర్ 35 ర‌న్స్, మాథ్యూ వేడ్ 19 ప‌రుగుల‌తో రాణించారు.

ఇదిలా ఉండ‌గా ఐపీఎల్ రిచ్ లీగ్ లో గుజ‌రాత్ టైటాన్స్ కు ఇదే మొద‌టి ఓట‌మి కావ‌డం విశేషం. ఇదిలా ఉండగా ఇప్ప‌టి వ‌ర‌కు డిఫెండింగ్ ఛాంపియ‌న్స్ ఉగా ఉన్న ముంబై ఇండియ‌న్స్ , చెన్నై సూప‌ర్ కింగ్స్ బోణీ కొట్టక పోవ‌డం ఆ జ‌ట్ల ఫ్యాన్స్ కు తీర‌ని నిరాశ‌కు గురి చేస్తోంది.

Also Read : రాజీనామా యోచ‌న‌లో ర‌మీజ్ రజా