Sunil Gavaskar KL Rahul : కేఎల్ రాహుల్ పై స‌న్నీ కామెంట్స్

Sunil Gavaskar KL Rahul : భార‌త క్రికెట‌ర్ కేఎల్ రాహుల్ ఎంపిక వ్య‌వ‌హారంపై పెద్ద ఎత్తున చ‌ర్చ జ‌రుగుతోంది. ఇప్ప‌టికే భార‌త జ‌ట్టు మాజీ పేస‌ర్ వెంక‌టేశ్ ప్ర‌సాద్ సీరియ‌స్ కామెంట్స్ చేశాడు. బీసీసీఐ సెలక్ష‌న్ క‌మిటీ తీరుపై నిప్పులు చెరిగాడు.

ప్ర‌తిభ ఆధారంగా ఎంపిక చేయ‌డం లేద‌ని కేవ‌లం ఫేవ‌రిటిజం ఆధారంగా ఆట‌గాళ్ల‌ను ఎంపిక చేస్తున్నారంటూ మండిప‌డ్డాడు. అంతే కాదు ఎంతో మంది ఆట‌గాళ్లు క్యూలో ఉన్నార‌ని కానీ వారి గురించి జ‌ట్టు ఎంపిక క‌మిటీ ప‌ట్టించు కోవ‌డం లేదంటూ ఆగ్ర‌హం వ్య‌క్తం చేశాడు. దీనిపై సోష‌ల్ మీడియాలో రాద్దాంతం జ‌రుగుతోంది. వెంక‌టేశ్ ప్ర‌సాద్ ట్వీట్ వైర‌ల్ గా మారింది.

గ‌త ఎనిమిదేళ్లుగా కేఎల్ రాహుల్ టెస్టు స‌గ‌టు కూడా ఏమంత బాగా లేద‌న్నాడు. ఇదే స‌మ‌యంలో భార‌త క్రికెట్ జ‌ట్టు మాజీ కెప్టెన్ సునీల్ మ‌నోహ‌ర్ గ‌వాస్క‌ర్(Sunil Gavaskar)  తీవ్రంగా స్పందించాడు. కేఎల్ రాహుల్ కు ఇంకా కొంత స‌మ‌యం ఇవ్వాల్సిన అవ‌స‌రం ఉంద‌న్నాడు. స్థిర‌మైన ప్ర‌ద‌ర్శ‌న ఇవ్వాలంటే కొన్ని టెస్టుల‌లో ఆడేందుకు ఛాన్స్ ఇవ్వాల్సిన అవ‌స‌రం ఉంద‌ని అభిప్రాయం వ్య‌క్తం చేశాడు స‌న్నీ.

ఓ వైపు వెంక‌టేశ్ ప్ర‌సాద్ మ‌రో వైపు సునీల్ గ‌వాస్క‌ర్ చేసిన కామెంట్స్ తో ఒక్క‌సారిగా బీసీసీఐలో క‌ద‌లిక‌లు ప్రారంభం అయ్యాయి. మ‌రో వైపు క‌ర్ణాట‌క‌కు చెందిన రాహుల్ ద్ర‌విడ్ జ‌ట్టుకు హెడ్ కోచ్ గా ఉన్నాడు. ఈ స‌మ‌యంలో సెల‌క్ష‌న్ క‌మిటీ ఏం చెబుతుంద‌నేది వేచి చూడాలి. ప్ర‌స్తుతం స‌న్నీ చేసిన కామెంట్స్ క‌ల‌క‌లం రేపుతున్నాయి.

Also Read : హిట్ మ్యాన్ వ‌ల్లే కొంప మునిగింది