Kanguva Movie : సూర్య ‘కంగువ’ కెవ్వు కేక

Kanguva Movie : త‌మిళ సినిమా రంగంలో ప్ర‌తిభావంతుల‌కు కొదువ లేదు. ఒక్కో ద‌ర్శ‌కుడిది ఒక్కో స్టైల్. న‌టీ న‌టుల‌ను అద్భుతంగా న‌టింప చేసేలా చేయ‌డంలో వారికి వారే సాటి అని చెప్ప‌క త‌ప్ప‌దు. మ‌ణిర‌త్నం, శంక‌ర్ , బాల, మారి సెల్వ‌రాజ్ , పా రంజిత్ , లోకేష్ క‌న‌గ‌రాజ్ ,అట్లీ ఇలా చెప్పుకుంటూ పోతే ఎంద‌రో త‌మ‌దైన శైలిలో దుమ్ము రేపుతున్నారు. ఇదే స‌మ‌యంలో మ‌రో ద‌ర్శ‌కుడి గురించి ప్ర‌త్యేకంగా చెప్పుకోవాల్సి ఉంది. అత‌డు ఎవ‌రో కాదు సిరుత్తై శివ‌. త‌లైవా సూప‌ర్ స్టార్ ర‌జ‌నీకాంత్ తో అన్నాత్తే తీశాడు. క్రియేటివిటీకి పెట్టింది పేరు శివ‌ది.

Kanguva Movie Talk

ప్ర‌స్తుతం దేశ వ్యాప్తంగా చ‌ర్చ‌కు దారితీసేలా చేశాడు సిరుత్తై. అత‌డి ద‌ర్శ‌క‌త్వం వ‌హించిన కంగువ సినిమా(Kanguva Movie) గురించే. ఇందులో సూర్య న‌టిస్తున్నాడు. త‌న‌కు ఇచ్చిన ఏ పాత్ర‌కైనా వంద శాతం న్యాయం చేకూర్చే అద్భుత‌మైన న‌టుడు సూర్య‌.

ఆయ‌న‌కు తోడుగా దిశా ప‌టానీ న‌టిస్తోంది. ఈ చిత్రానికి సంబంధించిన పోస్ట‌ర్స్ కు భారీ ఎత్తున ఆద‌ర‌ణ ల‌భిస్తోంది. జూలై 23న గ్లింప్సెస్ ఆఫ్ కంగువ కు సంబంధించి టీజ‌ర్ , పోస్ట‌ర్ ను రిలీజ్ చేయనున్నారు మూవీ మేక‌ర్స్. ఈ చిత్రాన్ని భారీ బ‌డ్జెట్ తో తెర‌కెక్కించే ప్ర‌య‌త్నం చేశాడు సిరుత్తై శివ‌. దాదాపు రూ. 350 కోట్ల‌కు పైగానే ఖ‌ర్చు చేసిన‌ట్లు టాక్. మొత్తంగా విడుద‌ల కాకుండానే దుమ్ము రేపుతున్న కంగువ ఇక విడుద‌ల‌య్యాక ఇంకెన్ని రికార్డులు బ్రేక్ చేస్తుందో చూడాలి.

Also Read : PM Modi : సంక్షేమం బీజేపీ స‌ర్కార్ ల‌క్ష్యం