TDP Deeksha : ఢిల్లీలో టీడీపీ ఎంపీల దీక్ష

TDP Deeksha : న్యూఢిల్లీ – తెలుగుదేశం పార్టీ చీఫ్ , మాజీ సీఎం నారా చంద్ర‌బాబు నాయుడు అక్ర‌మ అరెస్ట్ ను నిర‌సిస్తూ టీడీపీ ఆధ్వ‌ర్యంలో న్యూఢిల్లీలో ఎంపీలు స‌త్య మేవ జ‌యతే పేరుతో దీక్ష చేప‌ట్టారు. అంత‌కు ముందు ఇవాళ గాంధీ జ‌యంతి సంద‌ర్భంగా టీడీపీ జాతీయ ప్ర‌ధాన కార్య‌ద‌ర్శి నారా లోకేష్ తో పాటు ఎంపీలు మ‌హాత్మా గాంధీ చిత్ర ప‌టానికి పూల‌మాల‌లు వేసి నివాళులు అర్పించారు.

జ‌నం కోసం జ‌న్మించిన మ‌హాత్ముడు, దేశ స్వేచ్ఛా స్వాతంత్ర‌మే ల‌క్ష్యంగా జీవించిన మ‌హ‌నీయుడు గాంధీ అని పేర్కొన్నారు నారా లోకేష్. స‌త్యం, అహింస ఆయుధాలుగా మ‌న‌కు అందించిన గొప్ప వ్య‌క్తి అని కొనియాడారు.

TDP Deeksha Viral

బాపూజీ మ‌న ధ‌ర్మ పోరాటానికి స్పూర్తి అని పేర్కొన్నారు. ఈ కార్య‌క్ర‌మంలో ఎంపీలు రామ్మోహ‌న్ నాయుడు, క‌న‌క మేడ‌ల ర‌వీంద్ర‌, కేశి నేని నాని, టీడీపీ(TDP) నేత కంభంపాటి రామ్మోహ‌న్ రావు , ఇత‌ర నేత‌లు పాల్గొన్నారు.

ఇదిలా ఉండ‌గా ఏపీ స్కిల్ స్కాంలో కీల‌క‌మైన పాత్ర పోషించారంటూ టీడీపీ చీప్ చంద్ర‌బాబు నాయుడును అరెస్ట్ చేశారు. కోర్టు రిమాండ్ విధించింది. దీంతో ఆయ‌న‌ను విడుద‌ల చేయాల‌ని కోరుతూ పార్టీ ఆధ్వ‌ర్యంలో పెద్ద ఎత్తున ఆందోళ‌న‌లు , నిర‌స‌న‌లు వ్య‌క్తం చేస్తున్నారు.

Also Read : Nara Lokesh : మోత మోగిస్తే కేసులా – లోకేష్