PM Modi Explores : మోదీని ఆకట్టుకున్న లక్షద్వీప్ అందాలు
PM Modi : భారత ప్రధాని నరేంద్ర మోదీ గురువారం లక్షద్వీప్ దీవుల్లో స్నార్కెలింగ్‌ను ఆస్వాదించారు. ప్రధాని మోదీ తన లక్షద్వీప్ పర్యటనకు సంబంధించిన కొన్ని ఆసక్తికరమైన దృశ్యాలను సోషల్ మీడియా ప్లాట్‌ఫామ్‌లలో పంచుకున్నారు. స్నార్కెలింగ్ ఫోటోను షేర్ చేస్తూ, సాహస యాత్రికుల జాబితాలో లక్షద్వీప్‌ను కూడా చేర్చాలని ప్రధాని అన్నారు. నేను స్నార్కెలింగ్ ప్రయత్నించాను. ఇదొక సరదా అనుభవం అంటూ ట్విట్టర్ ఎక్స్ వేదికగా రాసుకొచ్చారు.
PM Modi Explores Lakshadweep
ప్రకృతి అందాలతో పాటు, లక్షద్వీప్ దీవుల ప్రశాంతత కూడా ఆకర్షణీయంగా ఉందని ప్రధాని మోదీ అన్నారు. 140 మిలియన్ల భారతీయుల సంక్షేమానికి తాను ఏవిధంగా మెరుగ్గా దోహదపడతాననే దాని గురించి ఆలోచించే అవకాశాన్ని ప్రశాంత వాతావరణం తనకు కల్పించిందని ఆయన అన్నారు. స్నార్కెలింగ్‌తో పాటు, అందమైన బీచ్‌లో తన మార్నింగ్ వాక్ చిత్రాలను కూడా ప్రధాని మోదీ(PM Modi) పంచుకున్నారు. లక్షద్వీప్ అనేది కేవలం ద్వీపాల సమూహం మాత్రమే కాదు, ఇది సాంప్రదాయ వారసత్వం మరియు ప్రజల స్ఫూర్తికి నిదర్శనం. నేర్చుకుని ఎదుగుతున్న ప్రయాణం అద్భుతంగా ఉందన్నారు. ప్రధాని మోదీ బీచ్‌లో తన నడక చిత్రాన్ని కూడా పంచుకున్నారు. ఫోటోలో, ప్రధాని కుర్చీలో కూర్చుని, సముద్రాన్ని చూస్తున్నారు.
అంతేకాకుండా కేంద్ర ప్రభుత్వం అందిస్తున్న వివిధ పథకాల లబ్ధిదారులతోనూ ప్రధాని మోదీ సమావేశమయ్యారు. ఇందులో ఆయుష్మాన్ భారత్, పిఎం-కిసాన్, పిఎం-ఆవాస్, కిసాన్ క్రెడిట్ కార్డ్ మొదలైన పథకాల నుండి లబ్ధి పొందుతున్న వ్యక్తులు కూడా ఉన్నారు. అయితే ఇటీవల లక్షద్వీప్ ప్రజలతో మమేకమయ్యే అవకాశం తనకు లభించిందని, ద్వీపాల యొక్క అద్భుతమైన అందం మరియు అక్కడ నివసించే అద్భుతమైన ప్రజల వెచ్చదనం గురించి తను ఇప్పటికీ విస్మయం చెందుతున్నారన్నారు. అగట్టి, బంగారం, కవరత్తి ప్రజల్ని కలిసే అవకాశం ఇచ్చినందుకు ప్రధాని నరేంద్ర మోదీ కృతజ్ఞతలు తెలిపారు.
Also Read : Sharmila Congress : షర్మిల ఏపీసీసీ చీఫ్ కానుందా..?