Ricky Ponting : స‌త్తా చాటుతాం మేం ఏంటో చూపిస్తాం

Ricky Ponting : ఐపీఎల్ లో రాబోయే మ్యాచ్ ల‌లో మేం ఏంటో స‌త్తా చూపిస్తామ‌ని ధీమా వ్య‌క్తం చేశాడు ఆస్ట్రేలియా మాజీ క్రికెట్ దిగ్గ‌జం, ఢిల్లీ క్యాపిట‌ల్స్ హెడ్ కోచ్ రికీ పాంటింగ్. విచిత్రం ఏమిటంటే చెన్నై సూప‌ర్ కింగ్స్ తో జ‌రిగిన మ్యాచ్ లో 91 ప‌రుగుల భారీ తేడాతో ఓట‌మి పాలైంది.

ఈ సంద‌ర్భంగా స్పందించాడు పాంటింగ్. సీఎస్కేతో ఓట‌మి వ‌ల్ల మెరుగైన ర‌న్ రేట్ పై దెబ్బ ప‌డింద‌న్నాడు. మా ఆట‌గాళ్లు అద్భుతంగా రాణిస్తున్నా అస‌లైన స‌మ‌యంలో చేతులెత్తేస్తున్నార‌ని వాపోయాడు.

తాము రాబోయే మ్యాచ్ ల‌లో అద్భుతంగా రాణించ‌డం ఖాయ‌మ‌ని, ప్లే ఆఫ్స్ కు చేరుకుంటామ‌ని ధీమా వ్య‌క్తం చేశాడు. జ‌ట్టు ప‌రంగా అన్ని ఫార్మాట్ ల‌లో బ‌లంగా ఉన్నామ‌ని, ఇంకా మూడు మ్యాచ్ లు ఆడాల్సి ఉంద‌న్నాడు.

ఈ మూడింట్లో వ‌రుస‌గా గెలుపొందితే ఇక త‌మ‌కు అడ్డు అనేది ఉండ‌ద‌న్నాడు. ప్లే ఆఫ్స్ కు చేరుకోవాలంటే 8 మ్యాచ్ ల‌లో గెలువాల్సి ఉంటుంది

. ఆ దిశగా గెలుపు సాధించేందుకు తాము రెడీగా ఉన్నామ‌ని పేర్కొన్నాడు రికీ పాంటింగ్. జ‌ట్టు విజ‌యం వెనుక కెప్టెన్ మాత్ర‌మే కాదు జ‌ట్టు స‌భ్యులు కూడా పాత్ర పోషిస్తారు.

అలాగే ఓట‌మి లోనూ కూడా. నా వ‌ర‌కైతే నాయ‌కుడిగా అద్భుతంగా రాణిస్తున్నాడు రిష‌బ్ పంత్. క‌ఠిన స‌మ‌యంలో అద్భుత‌మైన నిర్ణ‌యాలు తీసుకుంటున్నాడు.

కానీ బ‌రిలో ఉండాలంటే కాస్తంత జ‌ట్టుకు అదృష్టం అన్న‌ది తోడు కావాల‌ని అభిప్రాయ ప‌డ్డాడు. ఇదిలా ఉండ‌గా లీగ్ మ్యాచ్ లో భాగంగా 11న ముంబై వేదిక‌గా కీల‌క పోరు రాజ‌స్థాన్ రాయ‌ల్స్ తో జ‌ర‌గ‌నుంది.

Also Read : స‌మ ఉజ్జీల స‌మరం ఎవ‌రిదో విజ‌యం